Hermann aðstoðar Sol Campbell hjá Southend United

Hermann Hreiðarsson, fyrrum landsliðsmaður í knattspyrnu, mun aðstoða sinn fyrrum liðsfélaga Sol Campbell hjá enska C-deildarliðinu Southend United en sá síðarnefndi er að taka við sem knattspyrnustjóri liðsins.

Campbell, sem lék með Hermanni hjá Portsmouth, var síðast við stjórnvölin hjá Macclesfield Town í ensku D-deildinni en hann bjargaði þeim frá falli á síðustu leiktíð. Eftir fjárhagsvandræði í upphafi tímabils sagði Campbell starfi sínu lausu. Hermann var einnig aðstoðarmaður Campebll hjá Macclesfield, en aðeins í skamma stund. 

Þá er einnig talið að Andy Cole, enski framherjinn sem gerði garðinn frægan með Newcastle og Manchester United, komi inn í þjálfarateymi Southend United.

Sem stendur er Southend United í 22. sæti af 24 liðum í ensku C-deildinni með fimm stig eftir 13 leiki. Það er því ærið verk fyrir höndum hjá Campbell og Hermanni. 

Liam Ridgewell er að öllum líkindum frægasti leikmaður liðsins en þessi 35 ára gamli varnarmaður lék með Aston Villa, Birmingham og West Bromwich Albion í ensku úrvalsdeildinni á sínum tíma.

Southend United are delighted to announce the appointment of Sol Campbell as the club's new first team manager.

Welcome to #Blues, Sol

— Southend United (@SUFCRootsHall) October 22, 2019