Erlent

Marc Dutroux má gangast undir nýja geð­rann­sókn

Atli Ísleifsson skrifar
Marc Dutroux var handtekinn árið 1996.
Marc Dutroux var handtekinn árið 1996. epa

Belgíski raðmorðinginn og barnaníðingurinn Marc Dutroux má ganga undir nýja geðrannsókn. Þetta úrskurðaði dómstóll í Belgíu í morgun.

Lögmenn hins 62 ára Dutroux vona að ný rannsókn geti mögulega opnað á þann möguleika að hann geti afplánað dóm sinn utan veggja fangelsis, þá í fyrsta lagi árið 2021. Le Soir greinir frá þessu.

Dutroux hlaut árið 2004 lífstíðardóm fyrir að hafa nauðgað og myrt sex ungar stúlkur um miðjan tíunda áratuginn, en málið vakti gríðarlega athygli í Belgíu og víðar í heiminum.

Tvö fórnarlömb Dutroux létust af völdum vannæringar, en hann faldi þær í kjallara húss síns í Marcinelle. Er hann fyrirlitinn í Belgíu þar sem margir hafa lagst gegn því að hann eigi möguleika á að sleppa úr fangelsi. Dutroux gekkst síðast undir geðrannsókn árið 2013.

Fyrrverandi eiginkona Dutroux, Michelle Martin, hlaut á sínum tíma þrjátíu ára dóm fyrir aðild sína að ódæðunum. Henni var sleppt úr fangelsi árið 2012 og hefur haldið til í klaustri síðan.
 


Tengdar fréttir

Ævilangt fangelsi

"Þessi maður er siðblindur og ráðskast með fólk af fullu samviskuleysi og það mun aldrei breytast," sagði Michel Bourlet, saksóknari í málinu gegn barnaníðingnum og morðingjanum Marc Dutroux.

Mál aldarinnar í Belgíu

Hataðasti maður Belgíu, Marc Dutroux, var í dag dæmdur fyrir að ræna sex stúlkum og fyrir að myrða tvær þeira og vitorðsmann sinn. Dutroux viðurkenndi að hafa rænt stúlkunum og nauðgað þeim en sagðist ekki vera morðingi.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.