Erlent

Enn ein sprengingin á Amager

Atli Ísleifsson skrifar
Lögregla segir að um átök í gengjastríði í borginni sé að ræða.
Lögregla segir að um átök í gengjastríði í borginni sé að ræða. Getty
Enn ein sprenging varð á Amager í Kaupmannahöfn í nótt þegar handsprengju var kastað á kaffihús í borginni.



Lögregla segir að um átök í gengjastríði í borginni sé að ræða en á þessu ári hafa fjórtán slíkar sprengingar orðið, sem hefur orsakað að Danir ætla að taka upp landamæraeftirlit á landamærunum að Svíþjóð. Talið er að sprengiefnin berist þaðan.



Sprengjan sprakk um klukkan þrjú í nótt að dönskum tíma.



Engan sakaði í árásinni en Amagerbrogade var lokað í nokkrar klukkustundir í nótt. Hún hefur verið opnuð að nýju.



Átökin eru sögð á milli tveggja gengja, annað þeirra starfar á Norrebro en hitt í Hundige-hverfinu.

Tengd skjöl




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.