Til stendur að fjarlægja brátt þá vinnupalla sem bráðnuðu og festust við kirkjuna Notre Dame í París þegar hún brann í apríl síðastliðnum. Þetta sagði Franck Riester, menningarmálaráðherra Frakklands, í dag.



Hann gat hins vegar ekki lofað því að viðgerðum yrði lokið innan fimm ára, líkt og Frakklandsforseti hafði sagt markmiðið.



Til þessa hefur 37 milljónum evra verið varið í verkefnið og er áformað að heildarkostnaðurinn verði 85 milljónir.