Nýjar þvinganir og nýr þjóðaröryggisráðgjafi
Donald Trump, forseti Bandaríkjanna, hefur fyrirskipað nýjar og hertar þvingunaraðgerðir gegn Íran. Þetta gerir hann vegna þess að Bandaríkin saka Írani um að standa að árás á olíuvinnslustöð Aramco í Sádi-Arabíu.
Forsetinn tilkynnti sömuleiðis í dag um að hann hefði skipað nýjan þjóðaröryggisráðgjafa í stað Johns Bolton, sem var rekinn í síðustu viku. Robert O'Brien tekur við stöðunni en hann hefur að undanförnu unnið sem sérstakur erindreki Trumps um samningaviðræður vegna gíslatökumála í utanríkisráðuneytinu.
Þar fékk O'Brien meðal annars það verkefni að fá bandaríska rapparann ASAP Rocky leystan úr gæsluvarðhaldi í Svíþjóð.
Tengdar fréttir
Sádar segjast ætla að sanna aðkomu Íran að árásinni
Yfirvöld Sádi-Arabíu segjast ætla að opinbera í dag sönnunargögn um að Íranar beri ábyrgð á árás á olíuvinnslustöð, þá stærstu í heimi, þar í landi um helgina.
Þykir dómurinn yfir A$AP Rocky vægur en áfrýja þó ekki
Sænskir saksóknarar munu ekki áfrýja dómnum yfir bandaríska rapparanum A$AP Rocky sem hlaut tveggja mánaða skilorðsbundinn fangelsisdóm fyrir líkamsárás í Stokkhólmi um miðjan ágúst.
