Þrjú hundruð ný ársverk skapist á næstu þremur árum á Reykjanesi Birgir Olgeirsson skrifar 22. ágúst 2019 17:13 Áætlað er að allar framkvæmdirnar sem ákveðið hefur verið að fara í geti skapað allt að þrjú hundruð ný ársverk á tímabilinu 2020-2023. Fréttablaðið/GVA Stjórnvöld hafa samþykkt að veita aukið fjármagn í verkefni á öryggissvæði Keflavíkurflugvallar vegna þeirrar stöðu sem skapaðist á vinnumarki í kjölfar gjaldþrots WOW air. Þetta kemur fram í tilkynningu til fjölmiðla en þar segir að verkefnin snúa að nauðsynlegu viðhaldi og endurbótum en framkvæmdir munu jafnframt nýtast í borgaralegum tilgangi. Áætlað er að allar framkvæmdirnar sem ákveðið hefur verið að fara í geti skapað allt að þrjú hundruð ný ársverk á tímabilinu 2020-2023. Hildur Jakobína Gísladóttir, forstöðumaður Vinnumálastofnunar á Suðurnesjunum fagnar aðkomu ríkisstjórnarinnar og undirstrikar hversu mikilvægt sé að njóta stuðnings stjórnvalda undir þessum kringumstæðum. „Unnið hefur verið markvisst í aðgerðum í kjölfar gjaldþrots WOW en þó hefur gengið hægar að koma fólki í vinnu en talið var í upphafi. Ríkisstjórnin bauð fram fjármagn í námsúrræði á Suðurnesin sem kemur sér vel fyrir atvinnulausa á svæðinu sem geta þá aflað sér þekkingar sem nýtist vel í atvinnuleit. Að auki var stofnunin styrkt með fjármagni sem hjálpar okkur við að sinna þeim fjölda sem er skráður á atvinnuleysisskrá,” er haft eftir Hildi Jakobínu í tilkynningu. Verkefnin sem um ræðir felast að mestu í viðhaldi og breytingum á flugskýli 831 á Keflavíkurflugvelli, byggingu þvottastöðvar fyrir flugvélar við flugskýlið og viðhaldi og endurbótum á flugvélastæðum, ljósakerfum fyrir flugvélastæði og akstursbrautum flugvéla á öryggissvæðinu á flugvellinum. „Þessi 300 ársverk sem gert er ráð fyrir að skapist í kringum framkvæmdir á öryggissvæði NATO eru því okkur afar dýrmæt. Atvinnuleysi á Suðurnesjum var 5,9% í júlí meðan að meðaltals atvinnuleysi á landinu var 3,4%. Það er því ljóst að við þurfum á öllum störfum að halda fyrir íbúa þessa svæðis. Það er ómetanlegt hversu vel ríkisvaldið brást við í vor við óskum okkar og bindum við miklar vonir við að framhald verði á góðu samstarfi í haust,” er haft eftir Berglindi Kristinsdóttur, framkvæmdastjóra Samtaka sveitarfélaga á Suðurnesjunum. Áætlað er að framkvæmdartími sé um tvö ár og heildarfjárhæð um þrír milljarðar íslenskra króna. Verkefnin eru fjármögnuð af bandaríska hernum sem komið hefur að fjármögnun nauðsynlegra viðhaldsverkefna og endurbóta á öryggissvæðinu síðustu ár. Auk þessa eru önnur verkefni sögð í undirbúningi svo sem stækkun á núverandi flughlaði fyrir loftför með hættulegan farm, með tilheyrandi ljósabúnaði og akstursbraut. Flughlaðinu verður breytt í flugvélastæði fyrir almennt herflug, en einkum og sér í lagi fyrir eldsneytis- og flutningaflugvélar, þar sem önnur stæði eru í dag að mestu í borgaralegri notkun. Þá er unnið að undirbúningi að byggingu grunns með tilheyrandi rafmagns-, vatns-, ljósleiðara-, síma- og frárennslislögnum fyrir gistiaðstöðu. Áætlaður framkvæmdakostnaður þessara þriggja verkefna er um sex milljarðar íslenskra króna. Íslenska ríkið mun einnig leggja aukið fjármagn til viðhalds og uppbyggingar á öryggissvæðinu en þar er nú gistiaðstaða fyrir 200 einstaklinga og stendur til að fjölga í rými fyrir 500 manns. Útboð verður auglýst í lok þessa árs eða byrjun næsta. Bandarísku framkvæmdirnar eru sagðar gerðar á grundvelli tveggja samninga. Annars vegar sameiginlegrar yfirlýsingar varnarmálaráðuneytis Bandaríkjanna og utanríkisráðuneytis Íslands 26.júní 2016 um samstarf og skuldbindingar á sviði varnar- og öryggismála á grundvelli varnarsamningsins frá 1951. Hins vegar á samningi milli Bandaríkjanna og Íslands varðandi aðgengi og notkun aðstöðu á Ísland 2017 þar sem nánar er fjallað um varnartengdar mannvirkjaframkvæmdir af hálfu Bandaríkjanna. Skv. 6 gr. samningsins verða allar þessar fjárfestingar eign íslenska ríkisins þegar við lok framkvæmda. Aðkoma Atlantshafsbandalagsins að viðhaldi á öryggissvæðinu á flugvellinum og uppfærslur á ratsjárkerfum byggir á endurskoðuðu mati bandalagsins og hafa kröfur og fjárheimildir verið samþykktar af öllum 29 aðildarríkjum bandalagsins. Breytingin á flugskýli 831 er sögð gera það að verkum að hægt verður að hýsa stærri borgaralegar flugvélar í skýlinu. Nýjar akstursbrautir loftfara ,flugvélastæði og breyting á núverandi braut nýtast sömuleiðis fyrir borgaralega flugumferð, en ástand núverandi innviða er óásættanleg og hefur valdið tjóni á flugvélahreyflum. Þá getur aukið gistirými á öryggissvæðinu einnig nýst íslenskum stjórnvöldum ef tímabundið þyrfti að hýsa fjölda fólks vegna náttúruhamfara og eða sóttvarna- auk þess sem öryggissvæði er reglulega nýtt af löggæsluaðilum til æfinga. Um ræðir tímabundna aukningu íslenska ríkisins til framkvæmdanna og er viðbót við árlegt framlag til reglubundins viðhalds. Ætlað er að vinna á uppsafnaðri viðhaldhaldsþörf en fjárveitingar hafa enn ekki náð raungildi frá árinu 2009. Aukning verður nýtt til útboðsverkefna með það að markmiði að styðja stefnu íslenskra yfirvalda um að tryggja að í landinu séu til varnarmannvirki, búnaður, geta og sérfræðiþekking til að mæta þeim áskorunum sem Ísland stendur frammi fyrir í öryggis- og varnarmálum, sem og til að uppfylla alþjóðlegar skuldbindingar Íslands. Keflavíkurflugvöllur Vinnumarkaður Mest lesið Tók upp þegar hann nauðgaði kærustu sinni í tvígang Innlent Svona var Pallborðið með Baldri, Höllu Hrund og Jóni Innlent Átta forsetaefni klár með listana Innlent Straumhvörf í veðrinu Innlent Eiga von á öðru eldgosi Innlent Hættir með Matargjafir á Akureyri með sorg í hjarta Innlent Ísraelar gera árás á Íran Erlent Helga ekki tilbúin að henda inn handklæðinu Innlent Baldur segir lygasögur ekki hafa nein áhrif á þá Felix Innlent Myndband sýnir þjófana í Hamraborg hafa lítið fyrir hlutunum Innlent Fleiri fréttir Tilkynnti sig tvisvar til barnaverndar til að fá aðstoð fyrir einhverfa dóttur Í viðbragðsstöðu vegna komu bandarískrar þotu í vandræðum Þjófunum yfirsást taska með milljónum króna Framkvæmdastjórinn sagður hafa greitt sjálfum sér án heimildar Yfirvofandi eldgos, örvæntingarfull móðir og Hamraborgarþjófarnir Eiga von á öðru eldgosi Maður með kókaín í niðursuðudósum fær mildari dóm Tók upp þegar hann nauðgaði kærustu sinni í tvígang Öllum dómurum skipt út í milljarðamáli fyrrverandi ráðherra Skoðar róttækar breytingar á vaxtabótakerfinu Baldur segir lygasögur ekki hafa nein áhrif á þá Felix Ráðnar aðstoðarmenn nýrrar ríkisstjórnar Átta forsetaefni klár með listana Þórhildur og Heiða María hlutu Hvatningarverðlaun Rannsóknasjóðs Taska stútfull af milljónum króna enn ófundin Ófundin peningataska, aukin spenna í Mið-Austurlöndum og breyting á vaxtabótum Svona var Pallborðið með Baldri, Höllu Hrund og Jóni Guðmundur H. Garðarsson fallinn frá Sakaður um fjölda afbrota: Ungar stúlkur einar heima urðu skelkaðar þegar hann ruddist inn Helga ekki tilbúin að henda inn handklæðinu Kallað út vegna eldamennsku við Stuðlaháls Kæra bónda eftir að 29 naut fundust dauð Straumhvörf í veðrinu Náttúran helsta ástæðan fyrir ferðalögum til Íslands Hættir með Matargjafir á Akureyri með sorg í hjarta Stjórnarmaður í RÚV segir opinber hlutafélög fé án hirðis Þórkatla kom í veg fyrir áætlun fjölskyldunnar: „Þetta tekur allt saman svo fjandi langan tíma“ Landris stöðugt og hraunbreiðan sex ferkílómetrar Katrín á toppnum um allt land Opna miðstöð fyrir palestínsk börn Sjá meira
Stjórnvöld hafa samþykkt að veita aukið fjármagn í verkefni á öryggissvæði Keflavíkurflugvallar vegna þeirrar stöðu sem skapaðist á vinnumarki í kjölfar gjaldþrots WOW air. Þetta kemur fram í tilkynningu til fjölmiðla en þar segir að verkefnin snúa að nauðsynlegu viðhaldi og endurbótum en framkvæmdir munu jafnframt nýtast í borgaralegum tilgangi. Áætlað er að allar framkvæmdirnar sem ákveðið hefur verið að fara í geti skapað allt að þrjú hundruð ný ársverk á tímabilinu 2020-2023. Hildur Jakobína Gísladóttir, forstöðumaður Vinnumálastofnunar á Suðurnesjunum fagnar aðkomu ríkisstjórnarinnar og undirstrikar hversu mikilvægt sé að njóta stuðnings stjórnvalda undir þessum kringumstæðum. „Unnið hefur verið markvisst í aðgerðum í kjölfar gjaldþrots WOW en þó hefur gengið hægar að koma fólki í vinnu en talið var í upphafi. Ríkisstjórnin bauð fram fjármagn í námsúrræði á Suðurnesin sem kemur sér vel fyrir atvinnulausa á svæðinu sem geta þá aflað sér þekkingar sem nýtist vel í atvinnuleit. Að auki var stofnunin styrkt með fjármagni sem hjálpar okkur við að sinna þeim fjölda sem er skráður á atvinnuleysisskrá,” er haft eftir Hildi Jakobínu í tilkynningu. Verkefnin sem um ræðir felast að mestu í viðhaldi og breytingum á flugskýli 831 á Keflavíkurflugvelli, byggingu þvottastöðvar fyrir flugvélar við flugskýlið og viðhaldi og endurbótum á flugvélastæðum, ljósakerfum fyrir flugvélastæði og akstursbrautum flugvéla á öryggissvæðinu á flugvellinum. „Þessi 300 ársverk sem gert er ráð fyrir að skapist í kringum framkvæmdir á öryggissvæði NATO eru því okkur afar dýrmæt. Atvinnuleysi á Suðurnesjum var 5,9% í júlí meðan að meðaltals atvinnuleysi á landinu var 3,4%. Það er því ljóst að við þurfum á öllum störfum að halda fyrir íbúa þessa svæðis. Það er ómetanlegt hversu vel ríkisvaldið brást við í vor við óskum okkar og bindum við miklar vonir við að framhald verði á góðu samstarfi í haust,” er haft eftir Berglindi Kristinsdóttur, framkvæmdastjóra Samtaka sveitarfélaga á Suðurnesjunum. Áætlað er að framkvæmdartími sé um tvö ár og heildarfjárhæð um þrír milljarðar íslenskra króna. Verkefnin eru fjármögnuð af bandaríska hernum sem komið hefur að fjármögnun nauðsynlegra viðhaldsverkefna og endurbóta á öryggissvæðinu síðustu ár. Auk þessa eru önnur verkefni sögð í undirbúningi svo sem stækkun á núverandi flughlaði fyrir loftför með hættulegan farm, með tilheyrandi ljósabúnaði og akstursbraut. Flughlaðinu verður breytt í flugvélastæði fyrir almennt herflug, en einkum og sér í lagi fyrir eldsneytis- og flutningaflugvélar, þar sem önnur stæði eru í dag að mestu í borgaralegri notkun. Þá er unnið að undirbúningi að byggingu grunns með tilheyrandi rafmagns-, vatns-, ljósleiðara-, síma- og frárennslislögnum fyrir gistiaðstöðu. Áætlaður framkvæmdakostnaður þessara þriggja verkefna er um sex milljarðar íslenskra króna. Íslenska ríkið mun einnig leggja aukið fjármagn til viðhalds og uppbyggingar á öryggissvæðinu en þar er nú gistiaðstaða fyrir 200 einstaklinga og stendur til að fjölga í rými fyrir 500 manns. Útboð verður auglýst í lok þessa árs eða byrjun næsta. Bandarísku framkvæmdirnar eru sagðar gerðar á grundvelli tveggja samninga. Annars vegar sameiginlegrar yfirlýsingar varnarmálaráðuneytis Bandaríkjanna og utanríkisráðuneytis Íslands 26.júní 2016 um samstarf og skuldbindingar á sviði varnar- og öryggismála á grundvelli varnarsamningsins frá 1951. Hins vegar á samningi milli Bandaríkjanna og Íslands varðandi aðgengi og notkun aðstöðu á Ísland 2017 þar sem nánar er fjallað um varnartengdar mannvirkjaframkvæmdir af hálfu Bandaríkjanna. Skv. 6 gr. samningsins verða allar þessar fjárfestingar eign íslenska ríkisins þegar við lok framkvæmda. Aðkoma Atlantshafsbandalagsins að viðhaldi á öryggissvæðinu á flugvellinum og uppfærslur á ratsjárkerfum byggir á endurskoðuðu mati bandalagsins og hafa kröfur og fjárheimildir verið samþykktar af öllum 29 aðildarríkjum bandalagsins. Breytingin á flugskýli 831 er sögð gera það að verkum að hægt verður að hýsa stærri borgaralegar flugvélar í skýlinu. Nýjar akstursbrautir loftfara ,flugvélastæði og breyting á núverandi braut nýtast sömuleiðis fyrir borgaralega flugumferð, en ástand núverandi innviða er óásættanleg og hefur valdið tjóni á flugvélahreyflum. Þá getur aukið gistirými á öryggissvæðinu einnig nýst íslenskum stjórnvöldum ef tímabundið þyrfti að hýsa fjölda fólks vegna náttúruhamfara og eða sóttvarna- auk þess sem öryggissvæði er reglulega nýtt af löggæsluaðilum til æfinga. Um ræðir tímabundna aukningu íslenska ríkisins til framkvæmdanna og er viðbót við árlegt framlag til reglubundins viðhalds. Ætlað er að vinna á uppsafnaðri viðhaldhaldsþörf en fjárveitingar hafa enn ekki náð raungildi frá árinu 2009. Aukning verður nýtt til útboðsverkefna með það að markmiði að styðja stefnu íslenskra yfirvalda um að tryggja að í landinu séu til varnarmannvirki, búnaður, geta og sérfræðiþekking til að mæta þeim áskorunum sem Ísland stendur frammi fyrir í öryggis- og varnarmálum, sem og til að uppfylla alþjóðlegar skuldbindingar Íslands.
Keflavíkurflugvöllur Vinnumarkaður Mest lesið Tók upp þegar hann nauðgaði kærustu sinni í tvígang Innlent Svona var Pallborðið með Baldri, Höllu Hrund og Jóni Innlent Átta forsetaefni klár með listana Innlent Straumhvörf í veðrinu Innlent Eiga von á öðru eldgosi Innlent Hættir með Matargjafir á Akureyri með sorg í hjarta Innlent Ísraelar gera árás á Íran Erlent Helga ekki tilbúin að henda inn handklæðinu Innlent Baldur segir lygasögur ekki hafa nein áhrif á þá Felix Innlent Myndband sýnir þjófana í Hamraborg hafa lítið fyrir hlutunum Innlent Fleiri fréttir Tilkynnti sig tvisvar til barnaverndar til að fá aðstoð fyrir einhverfa dóttur Í viðbragðsstöðu vegna komu bandarískrar þotu í vandræðum Þjófunum yfirsást taska með milljónum króna Framkvæmdastjórinn sagður hafa greitt sjálfum sér án heimildar Yfirvofandi eldgos, örvæntingarfull móðir og Hamraborgarþjófarnir Eiga von á öðru eldgosi Maður með kókaín í niðursuðudósum fær mildari dóm Tók upp þegar hann nauðgaði kærustu sinni í tvígang Öllum dómurum skipt út í milljarðamáli fyrrverandi ráðherra Skoðar róttækar breytingar á vaxtabótakerfinu Baldur segir lygasögur ekki hafa nein áhrif á þá Felix Ráðnar aðstoðarmenn nýrrar ríkisstjórnar Átta forsetaefni klár með listana Þórhildur og Heiða María hlutu Hvatningarverðlaun Rannsóknasjóðs Taska stútfull af milljónum króna enn ófundin Ófundin peningataska, aukin spenna í Mið-Austurlöndum og breyting á vaxtabótum Svona var Pallborðið með Baldri, Höllu Hrund og Jóni Guðmundur H. Garðarsson fallinn frá Sakaður um fjölda afbrota: Ungar stúlkur einar heima urðu skelkaðar þegar hann ruddist inn Helga ekki tilbúin að henda inn handklæðinu Kallað út vegna eldamennsku við Stuðlaháls Kæra bónda eftir að 29 naut fundust dauð Straumhvörf í veðrinu Náttúran helsta ástæðan fyrir ferðalögum til Íslands Hættir með Matargjafir á Akureyri með sorg í hjarta Stjórnarmaður í RÚV segir opinber hlutafélög fé án hirðis Þórkatla kom í veg fyrir áætlun fjölskyldunnar: „Þetta tekur allt saman svo fjandi langan tíma“ Landris stöðugt og hraunbreiðan sex ferkílómetrar Katrín á toppnum um allt land Opna miðstöð fyrir palestínsk börn Sjá meira