U-beygja hjá Zidane: „Ég treysti á Bale eins og aðra leikmenn“
Real Madrid spilar sinn fyrsta leik í spænsku úrvalsdeildinni í dag er liðið mætir Celta Vigo á útivelli. Flautað verður til leiks klukkan 15.00.
Lengi vel í sumar var útlit fyrir að Real myndi selja Gareth Bale en hann og Zinedine Zidane, stjóri liðsins, eru ekki sagðir ná vel saman.
Skipti Bale til Kína féllu upp fyrir og því er hann áfram leikmaður Real Madrid er tímabilið hefst í dag. Zidane er ánægður með það, eða segist í það minnsta vera ánægður með það.
„Það leit út fyrir það að Bale myndi fara en hann er hér með okkur. Dínamíkin er að breytast og tímarnir breytast. Nú mun ég treysta á hann eins og aðra leikmenn,“ sagði Zidane.
Zidane makes Bale U-turn: 'I will rely on him now' https://t.co/IB4r7YX8CK pic.twitter.com/KaH1y7Ihfu
— CalcioMercato (En) (@CmdotCom_En) August 16, 2019
„Ég mun treysta á alla þá leikmenn sem eru hér. Hann er með sitt sæti og hann er mikilvægur leikmaður og ég vona að allir leikmennirnir geri mér erfitt fyrir að velja liðið.“
Eden Hazard verður ekki í leikmannahópi Real Madrid í dag en hann er meiddur og getur því ekki leikið sinn fyrsta leik fyrir félagið í spænsku úrvalsdeildinni.
Flautað verður til leiks í Vigo klukkan 15.00.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
