Brasilíska ofurstjarnan Neymar var ekki í leikmannahópi PSG í kvöld þegar liðið heimsótti Rennes í annarri umferð frönsku úrvalsdeildarinnar. Ekki frekar en í fyrstu umferðinni þegar PSG vann 3-0 sigur á Nimes.

Edinson Cavani var hins vegar á sínum stað í fremstu víglínu PSG og kom þeim yfir eftir rúmlega hálftíma leik. Mbaye Niang náði hins vegar að jafna metin fyrir Rennes á lokamínútu fyrri hálfleiks.

Heimamenn náðu svo forystunni á 48.mínútu þegar Romain Del Castillo skoraði eftir undirbúning undrabarnsins Eduardo Camavinga. Reyndist það sigurmark leiksins.

Flestir fréttir af PSG þessa dagana tengjast framtíð Neymar en hann hefur krafist þess að fá að yfirgefa félagið og hefur látið öllum illum látum til að fá vilja sínum framgengt en talið er líklegt að hann gangi í raðir Barcelona eða Real Madrid á næstu dögum.