Lífið

Ágústspá Siggu Kling - Meyjan: Uppskeran sem þú hefur beðið eftir er að koma

Sigga Kling skrifar
Elsku Meyjan mín, þér finnst að allt hafi gerst svo hratt og þú hafir ekki komið því í verk sem þú ætlaðir þér, en þar sem þú ert að sigla inn í öflugasta tímann á árinu og þegar það gerist þá bæði finnurðu og sérð hversu sterk þú ert, en þegar þú hefur verið óvenju pirruð á aðstæðum festir pirringurinn þig niður.

September, október og nóvember eru sérstaklega merktir þínu nafni, eru sem sagt þínir mánuðir til að gefa þér þá uppskeru sem þú ert búin að bíða eftir í þónokkurn tíma. Þér finnst allt vera eins og þú sért á erfiðum umferðaljósum sem sýna aldrei grænt sama hvað þú bíður lengi, en september kveikir á þeim ljósum sem þú vilt sjá, lífið er bara að leiðbeina þér svo þú farir af stað á hárréttum tíma til þess að fá það sem þig vantar upp í hendurnar. Fólk sem þú reiknaðir ekki með að myndi hjálpa þér, réttir fram hendur sínar og það drífur þig áfram til þess að opna upp á gátt hlið tækifæranna.

Það er sterkur kraftur yfir breytingum sem tengjast húsnæði, skóla eða vinnu, þú allavega tekur ákvörðun sem verður upphafið að einhverju stórkostlegu, en það mikilvægasta er að taka ákvörðun, svo gerðu það núna því þá opnast fyrir þér möguleikarnir.

Þú elskar að berjast fyrir réttlæti og þau mál sem þú hefur ástríðu fyrir eiga eftir að vekja athygli miklu fleira fólks en þig grunaði. Þú hefur einstakan húmor, stundum svolítið kaldhæðinn sem gerir þig jafnvel enn þá meira spennandi karakter og þeir sem þekkja þig náið og þú hefur hleypt að hjarta þínu eru svo sannarlega til staðar þegar þú þarft á því að halda, mundu það hjartagull. Elsku snillingurinn minn, það er svo mikið jafnvægi að komast á milli staðfestu og  sköpunar og þú öðlast þá trú sem þú þarft á sjálfa þig.

Knús og kossar, Sigga Kling

Meyja 23. ágúst - 22. september

Manuela Ósk fyrirsæta, 29. ágúst 

Edda Björgvinsdóttir leikkona, 13. september 

Beyoncé Knowles söngkona, 4. september 

Gylfi Þór Sigurðsson, fótboltamaður, 8. september 

Eiður Smári Guðjohnsen, fótboltamaður, 15. september 

Sigrún Ósk Kristjánsdóttir sjónvarpskona, 7. september 

Annie Mist crossfittari, 18. september 

Logi Pedro Stefánsson tónlistarmaður, 29. ágúst 

Sema Erla Serdar, baráttukona, 4. september 

Raggi Bjarna, söngvari, 22. september 

Skúli Mogensen, athafnamaður, 18. september 

Ari Eldjárn, grínisti, 5. september 

Sara Sigmundsdóttir, Crossfit-stjarna, 12. september 

Elín Margrét Böðvarsdóttir, fréttakona, 27. ágúst






Fleiri fréttir

Sjá meira


×