Innlent

Þurfa að breyta bryggjum fyrir 100 milljónir vegna nýja Herjólfs

Birgir Olgeirsson skrifar
Nýi Herjólfur í Landeyjahöfn.
Nýi Herjólfur í Landeyjahöfn. Vegagerðin
Ráðast þarf í breytingar á bryggjunum í Vestmannaeyjum og Þorlákshöfn fyrir 100 milljónir króna svo að nýr Herjólfur geti lagst þar við án þess að verða fyrir skemmdum. Jónas Snæbjörnsson, framkvæmdastjóri þróunar hjá Vegagerðinni, segir í samtali við Vísi að gera þurfi litla stöpla á á bryggjunum sem ná um einn metra upp fyrir bryggjukantinn.



Ástæðan er sú að hinn svokallaði og margumræddi „fender“ á nýja Herjólfi sem á að leggjast við bryggjuna er of hár. Því þarf að hækka viðlegukantinn á bryggjunum í Þorlákshöfn og Vestmannaeyjum en Jónas segir kostnaðinn nema 50 milljónir króna fyrir hvora höfn.



Í Landeyjahöfn er hins vegar að setja stórar plötur við bryggjuna sem ná niður í botn og upp fyrir bryggjukantinn sem þýðir að fenderlisti skipsins leggst á þessar plötur.



Ráðist verður í þessar framkvæmdir í Vestmannaeyjum og Þorlákshöfn í október en þangað til er notast við bráðabirgða lausn sem fólst í því að setja enn stærri hjólbarða á bryggjukantinn þannig að nýi Herjólfur getur lagst þar við. 




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.