Blikar úr leik eftir tap í Vaduz

Ingvi Þór Sæmundsson skrifar
Höskuldur skoraði mark Breiðabliks.
Höskuldur skoraði mark Breiðabliks. vísir/bára
Breiðablik er úr leik í 1. umferð forkeppni Evrópudeildarinnar eftir 2-1 tap fyrir Vaduz á útivelli í kvöld. Fyrri leikurinn endaði með markalausu jafntefli.

Leikurinn í kvöld var miklu opnari og skemmtilegri en sá fyrri í Kópavoginum. En þrátt fyrir ágæt færi beggja liða í fyrri hálfleik var staðan markalaus að honum loknum.

Mohamed Coulibaly kom Vaduz yfir eftir hornspyrnu á 57. mínútu. Þrátt fyrir það þurftu Blikar aðeins eitt mark til að komast áfram.

Staða þeirra versnaði til muna þegar Dominik Schwizer kom heimamönnum í 2-0 á 79. mínútu. Hann fylgdi þá eftir skoti Milan Gajic sem Gunnleifur Gunnleifsson varði.

Thomas Mikkelsen fékk dauðafæri þremur mínútum seinna en skaut framhjá.

Höskuldur Gunnlaugsson minnkaði muninn í 2-1 þegar þrjár mínútur voru komnar fram yfir venjulegan leiktíma en nær komust Blikar ekki.

Bein lýsing

Leikirnir




    Velkomin á Vísi. Þessi vefur notar vafrakökur. Sjá nánar.