Enski boltinn

„Sánchez minnir á Torres hjá Chelsea“

Ingvi Þór Sæmundsson skrifar
Sánchez gæti verið á förum frá Manchester United eftir misheppnaða dvöl hjá félaginu.
Sánchez gæti verið á förum frá Manchester United eftir misheppnaða dvöl hjá félaginu. vísir/getty

Andy Cole, fyrrverandi framherji Manchester United og fleiri liða, segir að staða Alexis Sánchez hjá United minni um margt á stöðu Fernandos Torres hjá Chelsea fyrir nokkrum árum.

Sánchez hefur átt erfitt uppdráttar hjá United eftir að hann kom frá Arsenal í ársbyrjun 2018. Sílemaðurinn hefur ekki átt fast sæti í liði United og sögusagnir eru um að hann gæti verið á förum frá félaginu.

Cole líkir stöðunni sem Sánchez er í hjá United við stöðuna sem Torres var í hjá Chelsea. Spánverjinn var einn besti framherji heims er hann lék með Liverpool en náði sér engan veginn á strik með Chelsea sem keypti hann fyrir 50 milljónir punda.

„Sánchez minnir á Torres hjá Chelsea. Þegar hann fór frá Liverpool til Chelsea var hann allt í einu ekki svipur að sjón og allir klóruðu sér í höfðinu yfir því. Þú verður ekki slakur leikmaður á einni nóttu,“ sagði Cole.

Sánchez skoraði aðeins tvö mörk í 27 leikjum með United á tímabilinu. Í heildina hefur hann skorað fimm mörk í 45 leikjum fyrir félagið.


Tengdar fréttir

Fer ekki til Manchester United

Raphael Varane, miðvörður heimsmeistara Frakka, verður áfram hjá Real Madrid á næstu leiktíð þrátt fyrir að mikið hafi verið skrifað um annað í erlendum fjölmiðlum.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.