Aron Einar kvaddi Cardiff með sigri á Old Trafford

Aron Einar Gunnarsson lék sinn síðasta leik fyrir Cardiff City þegar liðið vann 0-2 sigur á Manchester United á Old Trafford í lokaumferð ensku úrvalsdeildarinnar í dag. Cardiff féll um síðustu helgi en kvaddi úrvalsdeildina með stæl.

Aron Einar var í byrjunarliði Cardiff en fékk heiðursskiptingu á 58. mínútu. Þá var staðan 0-2.

58 - @ronnimall receives a standing ovation from the #Bluebirds fans as he is replaced at Old Trafford.

Thank you, Gunnar!

Matchday Livehttps://t.co/5MRNXSmiZL#MUNCAR#CityAsOnepic.twitter.com/ZtDGfW5ooZ

— Cardiff City FC (@CardiffCityFC) May 12, 2019

Aron lék í átta ár með Cardiff en hann kom til félagsins frá Coventry City 2011. Landsliðsfyrirliðinn gengur til liðs við Al Arabi í Katar í sumar.

Nathaniel Mendez-Laing skoraði bæði mörk Cardiff á Old Trafford í dag. Það fyrra kom úr vítaspyrnu á 23. mínútu og það síðara á 54. mínútu.

United vann ekki síðustu fimm leiki sína á tímabilinu og endaði í 6. sæti deildarinnar. Liðið leikur í Evrópudeildinni á næsta tímabili.