Zaha vill komast frá Palace
Hinn stórskemmtilegi Wilfried Zaha hefur tjáð forráðamönnum Crystal Palace að hann vilji yfirgefa herbúðir félagsins í sumar.
Ekki var tekið neitt sérstaklega vel í þessa bón Zaha enda lykilmaður hjá Palace. Zaha vill þó komast að hjá liði sem spilar í Meistaradeildinni. Hann ætlar sem sagt ekki aftur til Man. Utd.
Zaha skoraði tíu mörk fyrir Palace á nýafstaðinni leiktíð og lék virkilega vel. Það ætti svo sannarlega að vera áhugi fyrir hendi hjá öðrum liðum.
Hann fór til Man. Utd árið 2013 en náði sér ekki á strik þar og var sendur aftur til Palace 2015. Nú segist hann tilbúinn að spila með stóru strákunum.
„Ég verð að fá að upplifa að spila í Meistaradeildinni. Gefið mér tækifærið og ég sé um afganginn,“ sagði Zaha.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
