Fótbolti

Kom inn á í sínum fyrsta landsleik og tryggði Íslandi sigur á Ítalíu

Óskar Ófeigur Jónsson skrifar
Byrjunarlið Íslands.
Byrjunarlið Íslands. Mynd/KSÍ

Stelpurnar í íslenska sautján ára landsliðinu í fótbolta byrja vel í milliriðli undankeppni EM 2019 en þær unnu í dag heimastúlkur í ítalska landsliðinu. Leikurinn fór fram í bænum San Giuliano Terme á Ítalíu.

Íslenska liðið vann leikinn 2-1 en sigurmarkið skoraði Stjörnustelpan Hildigunnur Ýr Benediktsdóttir á 88. mínútu.

Hildigunnur Ýr hafði komið inn á sem varamaður fjórtán mínútum fyrr. Hún var þarna að spila sinn fyrsta opinbera landsleik á ferlinum og það er nú ekki slæmt að skora sigurmark á móti Ítalíu í fyrsta leik.

Íslensku stelpurnar komust líka í 1-0 í leiknum en fengu góða aðstoð við það þegar hin ítalska Beatrice Beretta skoraði í eigið mark eftir stoðsendingu frá Maríu Catharinu Ólafsdóttur Gros.

Ísland komst yfir á 42. mínútu og þannig var staðan í hálfleik. Ítalir jöfnuðu með marki Michelu Giordano á 52. mínútu og staðan var 1-1 í meira en hálftíma.

Ísland mætir næst Danmörku og fer sá leikur fram á sunnudaginn og hefst kl. 10:00 að íslenskum tíma.

Byrjunarlið Íslands í leiknum:
Cecilía Rán Rúnarsdóttir (Markvörður)

Hafrún Rakel Halldórsdóttir
Andrea Marý Sigurjónsdóttir
Áslaug Dóra Sigurbjörnsdóttir
Kristjana R. Kristjánsd. Sigurz

Arna Eiríksdóttir (Fyrirliði)
Ída Marín Hermannsdóttir
Ólöf Sigríður Kristinsdóttir
(67., Bryndís Arna Níelsdóttir)

Clara Sigurðardóttir
(86., Andrea Rut Bjarnadóttir)
Þórhildur Þórhallsdóttir
(74., Hildigunnur Ýr Benediktsdóttir)
María Catharina Ólafsd. Gros



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.