Sigur í endurkomu Ranieri

Claudio Ranieri byrjar vel með Roma en hann vann 2-1 sigur á Empoli í fyrsta leik sínum með liðið eftir að hann var ráðinn stjóri liðsins í síðustu viku.

Ranieri er fæddur og uppalinn í Róma en hann lék með liðinu sem leikmaður. Hann stýrði félaginu einnig frá 2009 til 2011 og er því að stýra liðinu í annað skiptið á ferlinum.

Það byrjar vel hjá Ítalanum því Roma vann 2-1 sigur á Empoli í kvöld. Stephan El Shaarawy kom Roma yfir á níundu mínútu en Juan Jesus skoraði sjálfsmark þremur mínútum síðar.

Fjörið í fyrri hálfleik var ekki lokið því Patrik Schick kom Roma í 2-1 á 33. mínútu og það reyndist sigurmarkið. Það kom ekki að sök þó Alessandro Florenzi hafi fengið sitt annað gula spjald tíu mínútum fyrir leikslok og mikilvægur sigur Roma.

That's the sound of Claudio Ranieri's first win back!  #ASRoma#RomaEmpolipic.twitter.com/CNCSa5Itbe

— AS Roma English (@ASRomaEN) March 11, 2019

Liðið er í fimmta sæti deildarinnar með 47 stig, þremur stigum á eftir Inter sem er í fjórða sætinu sem gefur þáttöku í Meistaradeildinni. Empoli er í sautjánda sætinu.