Everton kastaði frá sér tveggja marka forystu

Gylfi Sigurðsson spilaði allan leikinn fyrir Everton sem kastaði frá sér tveggja marka forystu gegn Newcastle er liðin mættust á St James' Park í dag.

Það byrjaði vel fyrir Everton því á átjándu mínútu skoraði Dominic Calvert-Lewin eftir fyrirgjöf Lucas Digne. Fjórtán mínútum síðar var staðan orðinn 2-0 er Brasilíumaðurninn Richarlison skoraði.

Leikurinn snérist hins vegar algjörlega í síðari hálfleik. Salomon Random minnkaði muninn á 65. mínútu með sínu sjöunda marki á tímabilinu og spenna komin í leikinn.

Níu mínútum fyrir leikslok jafnaði Ayoze Perez metin og þremur mínútum síðar var Perez aftur á ferðinni er hann skoraði sigurmarkið eftir sendingu Rondon. Rosalegt klúður hjá þeim bláklæddu frá Bítlaborginni.

For the first time Newcastle United win at St. James' Park after trailing two goals in the Premier League.@NUFC#NUFC#PL

— Gracenote Live (@GracenoteLive) March 9, 2019

Eftir sigurinn er Newcastle komið upp í þrettánda sæti deildarinnar með 34 stig og eru komnir langt frá falldraugnum. Everton er í ellefta sæti deildarinnar með 37 stig.