Verkalýðsforystan segir það skyldu samfélagsins að tryggja mannsæmandi kjör Heimir Már Pétursson skrifar 21. febrúar 2019 19:15 Formenn verkalýðsfélaganna fjögurra sem sitja við samningaborðið hjá ríkissáttasemjara ásamt SA. Á mynd eru Vilhjálmur Birgisson, formaður Verkalýðsfélags Akraness, Ragnar Þór Ingólfsson, formaður VR, og Sólveig Anna Jónsdóttir, formaður Eflingar. Vísir/Vilhelm Formenn verkalýðsfélaganna sem sem slitu viðræðum við samtök atvinnulífsins í dag segja það skyldu samfélagsins að tryggja vinnandi fólki mannsæmandi lífskjör. Mikill einhugur og baráttuandi sé meðal þeirra félagsfólks. Viðræðunefnd félaganna hitti samninganefnd atvinnurenda hjá ríkissáttasemjara klukkan tvö og þar var atburðarásin hröð. Fundarhöld voru stutt hjá deiluaðilum í dag, eða um 45 mínútur. Á þeim tíma var mikið flakkað á milli herbergja þar sem viðræðunefnd Eflingar, verkalýðsfélaganna á Akranesi og í Grindavík ásamt VR þurftu nokkrum sinnum að funda í sínum eigin röðum á milli þess sem þau funduðu með atvinnurekendum. En eftir síðustu útgöngu fulltrúa verkalýðsfélaganna af sameiginlegum fundi var stundin runnin upp og Halldór Benjamín Þorbergsson framkvæmdastjóri Samtaka atvinnulífsins ræddi við fréttamenn.Okkur skilst að það sé búið að slíta viðræðum. Hver eru ykkar fyrstu viðbrögð? „Viðsemjendur okkar lýstu yfir árangurslausum viðræðum hér á fundi með ríkissáttasemjara rétt í þessu. Þannig að nú fer deilan í annan gír. Hún fer hins vegar ekkert frá okkur,“ segir Halldór.„Það stefnir í átök og það stefnir í verkföll“ En frá og með deginum í dag verða deiluaðilar boðaðir á tveggja vikna fresti til ríkissáttasemjara. Næsti fundur gæti því orðið um það leyti sem fyrstu aðgerðir verkalýðsfélaganna eru að skella á hafi ekki samist. Sólveig Anna Jónsdóttir formaður Eflingar segir félögin til í slaginn. Hverjar verða fyrstu aðgerðir sem þið ætlið að boða til. Þið hljótið að hafa hugsað út í það? „Við höfum sannarlega hugsað út í það. En á þessum tímapunkti ætla ég ekki að upplýsa um það. En við erum komin mjög langt með slíka undirbúningsvinnu,“ segir Sólveig Anna. Ragnar Þór Ingólfsson formaður VR segir aðgerðarplan verða kynnt samninganefndum á morgun. Á næstu dögum verði síðan boðað til atkvæðagreiðslu um fyrstu aðgerðir. „Hér stefnum við bara í eina átt. Það er að nota þau verkfæri sem við getum til að ná okkar kröfum fram. Þá atburðarás erum við að teikna upp. Já það stefnir í átök og það stefnir í verkföll,“ segir Ragnar Þór.Munu fara í aðgerðir þar sem þær skipta máliFramkvæmdastjóri Samtaka atvinnulífsins segir tilboð samtakanna frá því í síðustu viku marka það svigrúm sem væri til skiptanna ef takast eigi að skapa forsendur fyrir lækkun vaxta og góðu atvinnustigi.„Að því sögðu getum við ekki sem ábyrgur samningsaðili hvikað frá því tilboði og þar við sat í dag. Ég held að mjög margir geti tekið undir það sjónarmið SA að það sé mjög mikilvægt að við röskum ekki þeim verðstöðugleika sem ríkt hefur á Íslandi á undanförnum árum,“ segir Halldór BenjamínVerkalýðsfélögin reikna með fyrstu aðgerðum fljótlega og segja að þær muni koma mörgum á óvart.Munið þið byrja í aðgerðum sem eru sársaukalitlar eða munið þið strax fara í sársauka miklar aðgerðir sem skipta miklu máli?„Við bara hugsum þetta mjög taktískt. Þannig að við munum fara í aðgerðir þar sem þær virkilega skipta máli,“ segir formaður Eflingar.Og þegar talað er um ábyrgð verkalýðsfélaganna á stöðu efnahagsmála vísa formennirnir til ábyrgðar samfélagsins og fyrirtækja á að tryggja vinnuaflinu viðunandi lífskjör.„Hér er bara hópur fólks sem þrátt fyrir langa vinnudaga, þrátt fyrir að starfa undir miklu álagi, þrátt fyrir að starfa sannarlega við undirstöðugreinar nær samt aldrei að vinna sér inn nógu mikið til að geta strokið um frjálst höfuð efnahagslega. En þetta er bara staðreynd í íslensku samfélagi. Þessu vellauðuga en fámenna samfélagi. Þetta er staðreynd sem við hljótum öll að skammast okkur fyrir,“ segir Sólveig Anna Jónsdóttir. Kjaramál Mest lesið Íslendingur dæmdur í þrettán ára fangelsi í Rússlandi Erlent Losnar fyrr og fær ekki að koma aftur í 30 ár Innlent Kallar eftir náðun Kouranis og brottvísun strax á morgun Innlent Tvíburarnir fengu ár í viðbót Innlent „Ég mun ekki sjá eftir honum“ Innlent Ingvar aftur kominn í leyfi frá þingstörfum Innlent Kallaði eftir aftöku heimilislauss fólks: „Drepa þau bara“ Erlent NATO og Rússland „augljóslega“ í stríði Erlent Tinder-svindlarinn handtekinn í Georgíu Erlent Conor McGregor dregur forsetaframboðið til baka Erlent Fleiri fréttir „Þetta var vissulega ekki í starfslýsingunni“ Hefur ekki áhyggjur af svindli með nýju námsmati Þrjú innbrot og alltaf fúlsað við verkunum: „Þetta er kannski smá yfirlýsing“ Ísland ekki óhult ef til átaka kemur í Evrópu „Ég mun ekki sjá eftir honum“ Fjöldi glæpahópa á Íslandi hefur tvöfaldast á tíu árum „Ekki algengt að svona lekar verði“ Stóraukning skipulagðrar glæpastarfsemi og innbrotahrina hjá listamanni Flugvél með fjórum innanborðs fór út af flugbraut Kallar eftir náðun Kouranis og brottvísun strax á morgun Tiltekt ríkisstjórnar eins og að taka sokk af gólfi unglings Ingvar aftur kominn í leyfi frá þingstörfum Oddvitarnir ætla sér stóra hluti eftir átta mánuði Loka fyrir heitt vatn vegna leka á Bústaðavegi Tvíburarnir fengu ár í viðbót Hlaut náttúruverndarviðurkenningu Sigríðar í Brattholti Vara við svikapóstum um ólöglegar klámsíður og reikninga frá raforkusölum Baráttunni lauk með íslenskum ríkisborgararétti Er með hugmynd að nafni sem gæti vel gengið Bein útsending: Umhverfisþing 2025 Hells Angels á Íslandi hafi aukið umsvif sín og sýnileika Losnar fyrr og fær ekki að koma aftur í 30 ár Komið gott af borgarmálum og meirihlutaslit hafi engin áhrif Töldu nauðsynlegt að taka fast á Hells Angels og Kourani fær endurkomubann Ætlar sér formennsku hjá ungum Sjálfstæðismönnum Úr inniskónum og yfir í hringiðu heimsmálanna Þórdís Lóa ætlar ekki fram Ölvaðir og í annarlegu ástandi Farmur flugvélaeldsneytis hafi ekki uppfyllt gæðastaðla Þjófur fúlsaði við málverkunum en tók nóg af bjór Sjá meira
Formenn verkalýðsfélaganna sem sem slitu viðræðum við samtök atvinnulífsins í dag segja það skyldu samfélagsins að tryggja vinnandi fólki mannsæmandi lífskjör. Mikill einhugur og baráttuandi sé meðal þeirra félagsfólks. Viðræðunefnd félaganna hitti samninganefnd atvinnurenda hjá ríkissáttasemjara klukkan tvö og þar var atburðarásin hröð. Fundarhöld voru stutt hjá deiluaðilum í dag, eða um 45 mínútur. Á þeim tíma var mikið flakkað á milli herbergja þar sem viðræðunefnd Eflingar, verkalýðsfélaganna á Akranesi og í Grindavík ásamt VR þurftu nokkrum sinnum að funda í sínum eigin röðum á milli þess sem þau funduðu með atvinnurekendum. En eftir síðustu útgöngu fulltrúa verkalýðsfélaganna af sameiginlegum fundi var stundin runnin upp og Halldór Benjamín Þorbergsson framkvæmdastjóri Samtaka atvinnulífsins ræddi við fréttamenn.Okkur skilst að það sé búið að slíta viðræðum. Hver eru ykkar fyrstu viðbrögð? „Viðsemjendur okkar lýstu yfir árangurslausum viðræðum hér á fundi með ríkissáttasemjara rétt í þessu. Þannig að nú fer deilan í annan gír. Hún fer hins vegar ekkert frá okkur,“ segir Halldór.„Það stefnir í átök og það stefnir í verkföll“ En frá og með deginum í dag verða deiluaðilar boðaðir á tveggja vikna fresti til ríkissáttasemjara. Næsti fundur gæti því orðið um það leyti sem fyrstu aðgerðir verkalýðsfélaganna eru að skella á hafi ekki samist. Sólveig Anna Jónsdóttir formaður Eflingar segir félögin til í slaginn. Hverjar verða fyrstu aðgerðir sem þið ætlið að boða til. Þið hljótið að hafa hugsað út í það? „Við höfum sannarlega hugsað út í það. En á þessum tímapunkti ætla ég ekki að upplýsa um það. En við erum komin mjög langt með slíka undirbúningsvinnu,“ segir Sólveig Anna. Ragnar Þór Ingólfsson formaður VR segir aðgerðarplan verða kynnt samninganefndum á morgun. Á næstu dögum verði síðan boðað til atkvæðagreiðslu um fyrstu aðgerðir. „Hér stefnum við bara í eina átt. Það er að nota þau verkfæri sem við getum til að ná okkar kröfum fram. Þá atburðarás erum við að teikna upp. Já það stefnir í átök og það stefnir í verkföll,“ segir Ragnar Þór.Munu fara í aðgerðir þar sem þær skipta máliFramkvæmdastjóri Samtaka atvinnulífsins segir tilboð samtakanna frá því í síðustu viku marka það svigrúm sem væri til skiptanna ef takast eigi að skapa forsendur fyrir lækkun vaxta og góðu atvinnustigi.„Að því sögðu getum við ekki sem ábyrgur samningsaðili hvikað frá því tilboði og þar við sat í dag. Ég held að mjög margir geti tekið undir það sjónarmið SA að það sé mjög mikilvægt að við röskum ekki þeim verðstöðugleika sem ríkt hefur á Íslandi á undanförnum árum,“ segir Halldór BenjamínVerkalýðsfélögin reikna með fyrstu aðgerðum fljótlega og segja að þær muni koma mörgum á óvart.Munið þið byrja í aðgerðum sem eru sársaukalitlar eða munið þið strax fara í sársauka miklar aðgerðir sem skipta miklu máli?„Við bara hugsum þetta mjög taktískt. Þannig að við munum fara í aðgerðir þar sem þær virkilega skipta máli,“ segir formaður Eflingar.Og þegar talað er um ábyrgð verkalýðsfélaganna á stöðu efnahagsmála vísa formennirnir til ábyrgðar samfélagsins og fyrirtækja á að tryggja vinnuaflinu viðunandi lífskjör.„Hér er bara hópur fólks sem þrátt fyrir langa vinnudaga, þrátt fyrir að starfa undir miklu álagi, þrátt fyrir að starfa sannarlega við undirstöðugreinar nær samt aldrei að vinna sér inn nógu mikið til að geta strokið um frjálst höfuð efnahagslega. En þetta er bara staðreynd í íslensku samfélagi. Þessu vellauðuga en fámenna samfélagi. Þetta er staðreynd sem við hljótum öll að skammast okkur fyrir,“ segir Sólveig Anna Jónsdóttir.
Kjaramál Mest lesið Íslendingur dæmdur í þrettán ára fangelsi í Rússlandi Erlent Losnar fyrr og fær ekki að koma aftur í 30 ár Innlent Kallar eftir náðun Kouranis og brottvísun strax á morgun Innlent Tvíburarnir fengu ár í viðbót Innlent „Ég mun ekki sjá eftir honum“ Innlent Ingvar aftur kominn í leyfi frá þingstörfum Innlent Kallaði eftir aftöku heimilislauss fólks: „Drepa þau bara“ Erlent NATO og Rússland „augljóslega“ í stríði Erlent Tinder-svindlarinn handtekinn í Georgíu Erlent Conor McGregor dregur forsetaframboðið til baka Erlent Fleiri fréttir „Þetta var vissulega ekki í starfslýsingunni“ Hefur ekki áhyggjur af svindli með nýju námsmati Þrjú innbrot og alltaf fúlsað við verkunum: „Þetta er kannski smá yfirlýsing“ Ísland ekki óhult ef til átaka kemur í Evrópu „Ég mun ekki sjá eftir honum“ Fjöldi glæpahópa á Íslandi hefur tvöfaldast á tíu árum „Ekki algengt að svona lekar verði“ Stóraukning skipulagðrar glæpastarfsemi og innbrotahrina hjá listamanni Flugvél með fjórum innanborðs fór út af flugbraut Kallar eftir náðun Kouranis og brottvísun strax á morgun Tiltekt ríkisstjórnar eins og að taka sokk af gólfi unglings Ingvar aftur kominn í leyfi frá þingstörfum Oddvitarnir ætla sér stóra hluti eftir átta mánuði Loka fyrir heitt vatn vegna leka á Bústaðavegi Tvíburarnir fengu ár í viðbót Hlaut náttúruverndarviðurkenningu Sigríðar í Brattholti Vara við svikapóstum um ólöglegar klámsíður og reikninga frá raforkusölum Baráttunni lauk með íslenskum ríkisborgararétti Er með hugmynd að nafni sem gæti vel gengið Bein útsending: Umhverfisþing 2025 Hells Angels á Íslandi hafi aukið umsvif sín og sýnileika Losnar fyrr og fær ekki að koma aftur í 30 ár Komið gott af borgarmálum og meirihlutaslit hafi engin áhrif Töldu nauðsynlegt að taka fast á Hells Angels og Kourani fær endurkomubann Ætlar sér formennsku hjá ungum Sjálfstæðismönnum Úr inniskónum og yfir í hringiðu heimsmálanna Þórdís Lóa ætlar ekki fram Ölvaðir og í annarlegu ástandi Farmur flugvélaeldsneytis hafi ekki uppfyllt gæðastaðla Þjófur fúlsaði við málverkunum en tók nóg af bjór Sjá meira