Fótbolti

Sonur Lilian Thuram henti PSG úr bikarnum

Henry Birgir Gunnarsson skrifar
Thuram fagnar eftir leik. Að sjálfsögðu í treyjunni hans Neymars.
Thuram fagnar eftir leik. Að sjálfsögðu í treyjunni hans Neymars. vísir/getty
Það eru nánast stórtíðindi í Frakklandi þegar ofurlið PSG tapar fótboltaleik en það gerðist í gær er PSG lauk keppni í franska bikarnum.

PSG tapaði þá 2-1 fyrir botnliði frönsku úrvalsdeildarinnar, Guingamp. Það var Marcus Thuram, sonur Lilian Thuram, sem tryggði liðinu sigur með marki úr vítaspyrnu í uppbótartíma. Hann hafði klúðrað víti fyrr í leiknum.

Yeni N'Gbakoto skoraði hitt mark Guingamp í leiknum en Neymar skoraði fyrir PSG.

PSG hafði unnið frönsku bikarkeppnina fimm ár í röð en nú kemur loksins annað nafn á bikarinn.




Fleiri fréttir

Sjá meira


×