Vill skapa frið með ákvörðun sinni

Sigríður Á. Andersen sagði í dag af sér embætti sem dómsmálaráðherra í kjölfar niðurstöðu Mannréttindadómstóls Evrópu vegna skipunar Sigríðar í stöður dómara við landsrétt í lok árs 2017. Sigríður vill með afsögn sinni tryggja frið um málaflokkinn og að dómstólarnir verið ekki notaðir í pólitískum tilgangi.

„Í því ljósi að þá hef ég ákveðið að stíga til hliðar til þess að skapa vinnufrið næstu vikurnar sem einhverjum spurningum og einhverjum álitaefnum verðir svarað,“ sagði Sigríður á blaðamannafundinum í dag.

Með þessum orðum lauk Sigríður Á. Andersen fráfarandi dómsmálaráðherra blaðamannafundi sem hún boðaði til með skömmum fyrirvara í dómsmálaráðuneytinu um miðjan dag.

Ákvörðunin er tekin eftir niðurstöðu Mannréttindadómstóls Evrópu í máli þar sem íslenska ríkið var sakfellt fyrir óréttláta málsmeðferð manns fyrir Landrétti í kjölfar skipunar Sigríðar í dóminn.

„Nú dómurinn finnur mjög að málsmeðferð alþingis sem hæstiréttur hafði svo sem gert líka en þó með vægari hætti. hafði strax í desember með dómum sínum komist að þeirri niðurstöðu að það hefði verið eðlilegra að greiða atkvæði um hvern og einn dómara fyrir sig en ekki í einu lagi,“ sagði Sigríður.

Vill skapa frið með ákvörðun sinni

Sigríður segist með ákvörðun sinni að segja af sér vilja skapa frið um málaflokkinn svo að hægt verði að taka ákvarðanir innan dómsmálaráðuneytisins án þess að persóna hennar kynni að trufla þau störf. Hún vill ekki að dómstólarnir verði notaðir í pólitískum tilgangi og að grafið yrði undir trúverðugleika þeirra, sæti hún áfram.  

Heldur þú áfram á þingi?

„Já, að sjálfsögðu. Ég er ekki að hverfa frá pólitík og hef áfram eftir sem áður skoðanir á því hvernig fyrirkomulagið við skipan dómara á að vera,“ sagði Sigríður.

Hrikti í ríkisstjórnarsamstarfinu vegna þessa máls?

„Ekki vegna þessa máls nei. Ég skil það líka alveg vel að mönnum þyki erfitt þegar menn far aí og úr stjórn og mál halda áfram á milli ríkisstjórna,“ sagði Sagríður.

Í hádegisfréttum Bylgjunnar í gær sagði Sigríður að hún hefði stuðning ríkisstjórnarinnar og að hún ætlaði ekki að segja af sér embætti.

Var þrýstingur á þig frá formanni flokksins eða frá flokkum um að stíga til hliðar?

„Alls ekki, alls ekki og ég hef fullan stuðning míns þingflokks,“ sagði Sigríður.

En ríkisstjórnarinnar?

„Við höfum nú ekki haft ríkisstjórnarfund en ég geng nú út frá því að ég hafi sem ráðherra stuðning ríkisstjórnarinnar annars væri ríkisstjórnin fallin,“ sagði Sigríður.

Þú ræddir við Katrínu Jakobsdóttur, forsætisráðherra í gær. Hvað fór ykkar á milli?

„Ég gef það nú ekki upp. Ég ræði við forsætisráðherra á hverjum tíma og það er eðlilegt að ráðherra geri það og aðrir ráðherra líka þannig að ég gef það nú ekki upp en það var nú bara svona fljótlega eftir að dómurinn hvar kveðinn upp bara til þess að ráða ráðum okkar,“ sagði Sigríður.

Standi þetta hefur það ófyrirséðar afleiðingar

Frá farandi dómsmálaráðherra á vona á því að íslenska ríkið muni skjóta niðurstöðu Mannréttindadómstólsins til yfirréttar í Strassborg.

„Standi þetta þá hefur þetta ófyrirséðar afleiðingar um alla Evrópu hvað varðar dómsuppkvaðningu í flestum löndum Evrópu,“ sagði Sigríður.

Hver úr Sjálfstæðisflokkum tekur við dómsmálaráðuneytinu?

„Nú er það ákvörðun formanns og þingflokksins í heild en ég mun óska eftir því að fjármálaráðherra og formaður flokksins muni gegna fyrir mig fram að ríkisráðsfundi þannig að það verði ekkert hökkt hér á ákvörðunum sem þarf að taka í dómsmálaráðuneytinu strax á morgun,“ sagði Sigríður Á. Andersen.