Ökuskírteinið í farsímann

Í sumar geta allir í Finnlandi sem vilja fengið viðbótarökuskírteini sem app í farsímann. Finnland verður þar með fyrsta landið í heiminum sem tekur í notkun rafræn ökuskírteini. Yfir þúsund einstaklingar hafa prófað notkun slíkra skírteina og árangurinn hefur verið góður.

Í Svíþjóð kanna samgönguyfirvöld möguleikana á að taka í notkun rafræn ökuskírteini. Stefnt er að því að sænsk lausn verði tilbúin í byrjun næsta árs. Ekki er stefnt að því að skipta út hefðbundnum ökuskírteinum fyrir rafræn ökuskírteini í náinni framtíð.