Carrick: Frábær af litlum manni að vera

Michael Carrick, leikmaður Manchester United, segir að nýjustu viðbót liðsins, Alexis Sanchez, sé frábær leikmaður og í heimsklassa.

Alexis Sanchez skrifaði undir samning við United í vikunni eftir að United barðist fyrir honum gegn grönnum sínum í City en Alexis spilaði sinn fyrsta leik fyrir United í gær.

„Hann er nú bara mjög góður, er það ekki? Frábær af litlum manni að vera,“ sagði Carrick léttur í bragði.

„Hann mun vera frábær leikmaður fyrir okkur. Hann er ekta Manchester United leikmaður og það er frábært að hafa hann hérna, mjög spennandi.“

Ander Herrera, liðsmaður Carrick og Sanchez, fór einnig fögrum orðum um Sanchez.

„Það sem mér líkar sérstaklega við hann er hversu vel hann vinnur þegar liðið missir boltann, hann vill alltaf ná honum strax aftur.“