Mourinho: Drápum leikinn í seinni hálfleik

Jose Mourinho var ánægður með sína menn í Manchester United eftir sigurinn á Yeovil Town í ensku bikarkeppninn í kvöld.

„Svona leikir eru erfiðir ef leikmenn eru ekki rétt stilltir. Þeir gerðu okkur erfitt fyrir í fyrri hálfleik, pressuðu og voru aggressívir á boltanum og á legghlífarnar,“ sagði Mourinho eftir leikinn.

United vann leikinn 4-0 með mörkum frá Marcus Rashford, Jesse Lingard, Ander Herrera og Romelu Lukaku.

„Í seinni hálfleik náðum við stjórninni og vorum með meira pláss og drápum leikinn.“

Alexis Sanchez spilaði sinn fyrsta leik fyrir United í kvöld og var Mourinho ánægður með hann.

„Hann er frábær viðbót, allir eru ánægðir með að hann sé kominn. Góðir leikmenn vilja góða leikmenn.“

„Við erum með frábæran hóp af sóknarmönnum og hann kemur inn í þann hóp með þroska og reynslu,“ sagði Jose Mourinho.