Fimm nýliðar fara með til Katar

Erik Hamrén hefur valið landsliðshópinn sem fer til Katar í janúar. Fimm nýliðar eru í hópnum.

Íslenska liðið spilar tvo vináttulandsleiki í Katar um miðjan janúar við Svíþjóð og Kúveit. Eins og áður í þessum janúarverkefnum er ekki um alþjóðlega leikdaga að ræða og því flestir leikmenn hópsins frá félagsliðum á Norðurlöndunum og á Íslandi.

Eiður Aron Sigurbjörnsson, Davíð Kristján Ólafsson, Axel Óskar Andrésson, Alex Þór Hauksson og Willum Þór WIllumsson eru nýliðarnir í hópnum.

Kári Árnason og Birkir Már Sævarsson eru einu mennirnir sem hafa verið fastamenn í byrjunarliðinu síðustu ár sem fara með.

„Við erum spenntir fyrir því að spila gegn erfiðum og áhugaverðum andstæðingum sem spila mismunandi gerð af knattspyrnu. Hópurinn hjá okkur er blanda af leikmönnum sem hefur mikla reynslu hjá okkur ásamt þeim sem hafa lítið komið við sögu. Það verður því gott að æfa við frábærar aðstæður,“ segir Erik Harmrén á heimasíðu KSÍ.

Hópurinn

Markmenn

Ingvar Jónsson

Frederik Schram

Anton Ari Einarsson

Varnarmenn

Birkir Már Sævarsson

Kári Árnason

Hjörtur Hermannsson

Böðvar Böðvarsson

Adam Örn Arnarson

Eiður Aron Sigurbjörnsson

Davíð Kristján Ólafsson

Axel Óskar Andrésson

Miðjumenn

Arnór Smárason

Eggert Gunnþór Jónsson

Samúel Kári Friðjónsson

Guðmundur Þórarinsson

Aron Elís Þrándarson

Hilmar Árni Halldórsson

Jón Dagur Þorsteinsson

Alex Þór Hauksson

Willum Þór Willumsson



Sóknarmenn

Óttar Magnús Karlsson

Kristján Flóki Finnbogason

Andri Rúnar Bjarnason