Sex mörk og rautt spjald í frábærum Lundúnarslag Arnar Geir Halldórsson skrifar 2. desember 2018 16:00 Magnaður Lundúnarslagur vísir/getty Áhorfendur fengu svo sannarlega allt fyrir peninginn þegar Arsenal og Tottenham leiddu saman hesta sína í Lundúnarslag af bestu gerð á Emirates leikvangnum í dag. Pierre-Emerick Aubameyang kom Arsenal yfir á 10.mínútu með marki úr vítaspyrnu sem dæmd var á Jan Vertonghen þar sem hann handlék boltann innan vítateigs. Arsenal var miklu betra liðið á vellinum og það var þvert gegn gangi leiksins þegar Eric Dier jafnaði metin á 30.mínútu. Skömmu síðar fékk Tottenham svo vítaspyrnu fyrir að því er virtist afar litlar sakir en Rob Holding átti að hafa brotið á Son Heung-Min. Harry Kane fór á vítapunktinn, skoraði af öryggi og Tottenham skyndilega komið í forystu. Staðan 1-2 í leikhléi. Unai Emery gerði tvöfalda skiptingu í hálfleik og var síðari hálfleikur eign heimamanna. Pierre-Emerick Aubameyang jafnaði metin á 56.mínútu og varamaðurinn Alexandre Lacazette kom Arsenal yfir á 75.mínútu. Nokkrum andartökum síðar skoraði Lucas Torreira fjórða mark Arsenal. Vertonghen kóronaði slakan leik sinn með því að láta reka sig af velli skömmu fyrir leikslok og lokatölur 4-2 fyrir Arsenal. Unai EmeryMauricio Pochettino Enski boltinn
Áhorfendur fengu svo sannarlega allt fyrir peninginn þegar Arsenal og Tottenham leiddu saman hesta sína í Lundúnarslag af bestu gerð á Emirates leikvangnum í dag. Pierre-Emerick Aubameyang kom Arsenal yfir á 10.mínútu með marki úr vítaspyrnu sem dæmd var á Jan Vertonghen þar sem hann handlék boltann innan vítateigs. Arsenal var miklu betra liðið á vellinum og það var þvert gegn gangi leiksins þegar Eric Dier jafnaði metin á 30.mínútu. Skömmu síðar fékk Tottenham svo vítaspyrnu fyrir að því er virtist afar litlar sakir en Rob Holding átti að hafa brotið á Son Heung-Min. Harry Kane fór á vítapunktinn, skoraði af öryggi og Tottenham skyndilega komið í forystu. Staðan 1-2 í leikhléi. Unai Emery gerði tvöfalda skiptingu í hálfleik og var síðari hálfleikur eign heimamanna. Pierre-Emerick Aubameyang jafnaði metin á 56.mínútu og varamaðurinn Alexandre Lacazette kom Arsenal yfir á 75.mínútu. Nokkrum andartökum síðar skoraði Lucas Torreira fjórða mark Arsenal. Vertonghen kóronaði slakan leik sinn með því að láta reka sig af velli skömmu fyrir leikslok og lokatölur 4-2 fyrir Arsenal. Unai EmeryMauricio Pochettino