Superclasico í úrslitaeinvígi Meistaradeildar Suður-Ameríku

Boca Juniors tryggði sér í nótt farseðil í úrslitaeinvígi Copa Libertadores, Meistaradeild Suður-Ameríku, þegar liðið gerði 2-2 jafntefli við Palmeiras í Brasilíu en Boca vann fyrri leikinn 2-0 og er því komið í úrslitaeinvígi.

Þar bíða þeirra engir aðrir en erkifjendurnir í River Plate og má ætla að heimsbyggðin muni fylgjast með þessu sögulega úrslitaeinvígi en þetta verður í fyrsta sinn sem þessi tvö sigursælustu lið Argentínu mætast í úrslitaleik keppninnar þó þau hafi oft mæst á fyrri stigum keppninnar enda bæði á meðal 10 sigursælustu liða Copa Libertadores.

Leikið er heima og að heiman í úrslitaeinvíginu en fyrri leikurinn fer fram á heimavelli Boca þann 7.nóvember næstkomandi og sá síðari á heimavelli River Plate þann 28.nóvember.

Eftirvæntingin eftir þessum leik er gríðarleg í Suður-Ameríku enda ganga viðureignir þessara liða undir heitinu Superclasico.

River Plate vs. Boca Juniors is like no other rivalry on Earth. pic.twitter.com/ciQdraZe2T

— B/R Football (@brfootball) March 2, 2018