Dean Smith ráðinn stjóri Aston Villa

Dean Smith er nýr knattspyrnustjóri Birkis Bjarnasonar hjá Aston Villa. John Terry verður Smith til aðstoðar.

Steve Bruce var rekinn frá Villa í síðustu viku og hafa mörg stór nöfn verið orðuðu við stjórastöðuna síðan, meðal annars Thierry Henry og Roberto Martinez.

Smith er hins vegar maðurinn sem forráðamenn Villa ætla að treysta á. Hann kemur til Villa frá Brentfort, sem situr átta sætum ofar en Villa í ensku B-deildinni. 

John Terry sagði frá því í síðustu viku að hann væri hættur fótboltaiðkun og er hann nú kominn í þjálfun sem aðstoðarmaður Smith. Við sama tilefni greindi Villa einnig frá því að Jesus Garcia Pitarch yrði nýr yfirmaður íþróttamála hjá félaginu.

We are delighted to announce the appointments of Dean Smith as our new Head Coach, John Terry as Assistant Coach and Jesus Garcia Pitarch as Sporting Director

Full story  https://t.co/gNj5QrSa7c#OneOfOurOwn#AVFCpic.twitter.com/HUPSQ8BiDz

— Aston Villa FC (@AVFCOfficial) October 10, 2018