Sif lék allan leikinn í sigri Kristianstad

Kristianstad vann mikilvægan sigur á Vittsjö í sænsku úrvalsdeildinni í fótbolta í dag. Sif Atladóttir lék allan leikinn hjá Kristianstad en Elísabet Gunnarsdóttir þjálfara liðið.



Kristianstad heimsótti Vittsjö í dag og þurfti nauðsynlega á sigri að halda til þess að halda í við toppliðin í deildinni.



Sif Atladóttir var í byrjunarliðinu að venju.



Kristianstad leiddi 2-0 í hálfleik en Vittsjö náði að klóra í bakkann í seinni hálfleik. Íslendingaliðið hélt hins vegar út og sótti stigin þrjú.



Kristianstad er í fjórða sæti deildarinnar, fimm stigum á eftir toppliði Gautaborgar.