Þjóðverjarnir sakna þriggja úr íslenska kvennalandsliðinu

Þýska knattspyrnusambandið segir frá landsliðshóp kvennalandsliðs Íslands á heimasíðu sinni en Ísland og Þýskalandi eru að fara spila úrslitaleik um sigur í riðlinum á Laugardalsvellinum á laugardaginn.

Íslensku stelpurnar tryggja sér sæti á HM með sigri en jafntefli og sigur á Tékkum þremur dögum síðar gætu líka komið íslenska kvennalandsliðinu inn á HM í fyrsta sinn.

Í fréttinni á heimasíðu þýska sambandsins er talað um nýliðana tvo, hina 18 ára Alexöndru Jóhannsdóttur og hina 23 ára gömlu Telmu Hjaltalín Þrastardóttur, auk þess að segja frá endurkomu Söru Bjarkar Gunnarsdóttur í íslenska landsliðið eftir hásinarmeiðsli.

Í fréttinni er ennfremur sagt frá því að inn í liðið séu komnar aftur þær Guðrún Arnardóttir, Ingibjörg Sigurðardóttir og Svava Rós Guðmundsdóttir frá því í fyrri leiknum.

Þá er bent á það að elsti leikmaður íslenska hópsins að þessu sinni sé Sif Atladóttir, dóttir Atla Eðvaldssonar sem á sínum tíma gerði garðinn frægann í þýsku deildinni.

Þjóðverjarnir sakna aftur á móti þriggja leikmanna í þessum hóp. Ein af þeim er Dagný Brynjarsdóttir sem skoraði tvö mörk í 3-2 sigri Íslands á Þýskalandi í fyrri leiknum út í Þýskalandi.

Þjóðverjarnir þakka fyrir það enda ætti þeir að þekkja vel til Dagnýjar sem varð á sínum tíma þýskur meistari með Bayern München.

Hinar tvær sem er fjallað um í greininni á heimasíðu þýska sambandsins og eiga að vera fjarverandi eru þær Katrín Ásbjörnsdóttir og Anna Björk Kristjánsdóttir. Þeir þýsku eru samt ekki alveg að fylgjast nógu vel með því Freyr Alexandersson valdi Önnu Björk í hópinn sinn. Katrín er hins vegar ekki með.

Leikur Íslands og Þýskalands fer fram á Laugardalsvellinum á laugardaginn og hefst klukkan 15.00. Ísland er á toppi riðilsins, en Þýskaland er aðeins stigi á eftir í öðru sæti.

Það má finna alla fréttina með því að smella hér.

Íslenski hópurinn er annars hér fyrir neðan:



Markverðir

Guðbjörg Gunnarsdóttir

Sandra Sigurðardóttir

Sonný Lára Þráinsdóttir

Varnarmenn

Rakel Hönnudóttir

Guðrún Arnardóttir

Anna Björk Kristjánsdóttir

Sif Atladóttir

Ingibjörg Sigurðardóttir

Glódís Perla Viggósdóttir

Hallbera Guðný Gísladóttir

Anna Rakel Pétursdóttir

Miðjumenn

Svava Rós Guðmundsdóttir

Alexandra Jóhannsdóttir

Gunnhildur Yrsa Jónsdóttir

Sara Björk Gunnarsdóttir

Selma Sól Magnúsdóttir

Sigríður Lára Garðarsdóttir

Sandra María Jessen

Sóknarmenn

Agla María Albertsdóttir

Elín Metta Jensen

Berglind Björg Þorvaldsdóttir

Fanndís Friðriksdóttir

Telma Hjaltalín Þrastardóttir