Innlent

Vonast til að rannsókn banaslyss á Kjalarnesi ljúki fljótlega

Sunna Kristín Hilmarsdóttir skrifar
Frá vettvangi slyssins síðastliðið mánudagskvöld.
Frá vettvangi slyssins síðastliðið mánudagskvöld. Vísir
Rannsókn banaslyss sem varð á Kjalarnesi síðastliðið mánudagskvöld miðar prýðilega og er vonast til að henni ljúki fljótlega, samkvæmt upplýsingum frá lögreglunni á höfuðborgarsvæðinu.



Ekki fást upplýsingar um tildrög slyssins og þá verður nafn hins látna, erlends ríkisborgara á fertugsaldri, ekki gefið upp að ósk aðstandenda.



Í liðinni viku óskaði lögreglan eftir því að vitni að slysinu gæfu sig fram og var þó nokkuð um að fólk hefði samband lögreglu. Verið er að vinna úr þeim upplýsingum en bæði lögreglan og rannsóknarnefnd samgönguslysa rannsaka málið.



Slysið varð þegar fólksbíll og lítill hópferðabíll skullu saman á Vesturlandsvegi á Kjalarnesi, skammt frá Enni. Ökumaður fólksbílsins lést en í hópferðabílnum var móðir með sjö börn sín og eitt systkinabarn.



Móðirin, Sigrún Elísabeth Arnardóttir, greindi frá líðan fjölskyldunnar í pistli á vefsvæði sínu í gær. Þar sagði hún að þau væru öll útskrifuð af Landspítalanum fyrir utan yngstu dóttur hennar sem er enn haldið sofandi á gjörgæsludeild.

Tengd skjöl


Tengdar fréttir

Öryggi Vesturlandsvegar um Kjalarnes ekki gott

Viðmið um dýpt hjólfara voru hækkuð úr 35mm í 50mm í kjölfar efnahagshrunsins 2009, svo ekki þyrfti að fara í viðhaldsframkvæmdir. Þess viðmið hafa ekki verið lækkuð aftur.

Ævinlega þakklát starfsfólki Landspítalans

Sigrún Elísabeth Arnardóttir, sem lenti í hörðum árekstri á Vesturlandsvegi nálægt Kjalarnesi, segist vera starfsfólki Landspítalans ævinlega þakklát. Enn bíður þó stórt verkefni.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.