Reykjadalur opnaður fyrir umferð

Umferð um göngustíg í Reykjadal verður aftur heimil frá og með klukkan 10 á morgun en landverðir frá Umhverfisstofnun verða á staðnum og fylgjast með ferðalögum gesta.

Munu landverðirnir hafa eftirlit með því að gestir svæðisins fari ekki út fyrir göngustíga þar sem svæðið er illa farið.

Umhverfisstofnun biður ferðaþjónustuaðila að miðla því til viðskiptavina sinna sem stefna á að fara í Reykjadal að þeir gangi einungis á merktum göngustígum á svæðinu.