Ísraelsher gerði loftárás á Sýrland

Að minnsta kosti níu eru fallnir eftir að Ísraelsher gerði í kvöld flugskeytaárás rétt utan við höfuðborgina Damascus. Fréttir um þetta bárust aðeins klukkutíma eftir að Trump tilkynnti um að hann ætlaði að draga Bandaríkin út úr kjarnorkusamningnum við Írani. AP fréttastofa greinir frá þessu. Meðal þeirra sem féllu í árásinni voru liðsmenn byltigarvarnarliðsins í Íran. 

Engin viðbrögð eða tilkynning kom frá Ísrael um árásina en yfirvöld þar í landi hafa aldrei staðfest eða neitað loftárásum á hendur Sýrlandi. Slíkar árásir hafa orðið algengari undanfarið og spennan aukist á milli Ísrael og Íran.