Engir miðar lengur í boði á leik Íslands og Argentínu
Lengi getur vondur fótboltadagur versnað hjá stuðningsmönnum íslenska fótboltalandsliðsins. Nú hefur komið í ljós að ekki verður hægt að kaupa miða á leik Íslands og Argentínu á HM á morgun.
Nýr miðasölugluggi fyrir HM opnar í fyrramálið klukkan níu og eflaust margir sem ætluðu sér að reyna við miða á Argentínu-leikinn.
Fyrirkomulagið í fyrramálið er fyrstur kemur, fyrstur fær. Nema á tvo leiki. Úrslitaleik mótsins sem og á leik Íslands og Argentínu. Sjá má frétt FIFA um málið hér.
Miðar eru í boði á alla aðra leiki keppninnar en stóri leikurinn fyrir Ísland er úr sögunni. Því er nú miður og verr fyrir marga áhugasama.
Tengdar fréttir
Þá sem vantar miða á HM fá annan séns í fyrramálið
Enn einn miðasöluglugginn á HM verður opnaður í fyrramálið og nú er það fyrstur kemur, fyrstur fær.
