Tímamótasigur fyrir Sean Dyche

Burnley vann endurkomusigur á Everton í ensku úrvalsdeildinni í gær þegar Gylfi Þór Sigurðsson og félagar í Everton heimsóttu Jóhann Berg Guðmundsson og félaga á Turf Moor.

Cenk Tosun kom Everton yfir snemma leiks og slökkti það væntanlega í vonum stuðningsmanna Burnley um sigur þar sem liðið hafði aldrei náð að koma til baka og vinna leik eftir að hafa lent undir í ensku úrvalsdeildinni undir stjórn Sean Dyche, þar til í gær.

Ashley Barnes og Chris Wood skoruðu fyrir Burnley í síðari hálfleik og í fyrsta skipti í sögunni tókst Dyche að snúa töpuðum leik í sigur, eftir 60 tilraunir.

1 - This is the first time that Burnley have won a Premier League game after going behind under Sean Dyche (61 games - W1 D12 L48). Character. pic.twitter.com/h8WyIR8YAQ

— OptaJoe (@OptaJoe) March 3, 2018