Aguero: Ég er heppinn að spila með De Bruyne

Sergio Aguero, leikmaður Manchester City, hefur farið fögrum orðum um liðsfélaga sinn Kevin De Bruyne en hann segist vera heppinn að fá að spila með honum.

Sergio Aguero skoraði fjögur mörk í sigri City gegn Leicester í gær og var það Kevin De Bruyne sem lagði upp tvö af mörkum hans auk þess sem hann lagði upp fyrir Raheem Sterling.

„Sem betur fer er De Bruyne með mér í liði, hann hjálpar okkur að skora fullt af mörkum.“

„Ég er mjög heppinn vegna þess að flest af mínum mörkum koma eftir sendingar frá honum, ég verð stundum bara að snerta boltann.“

„Hann er stórkoslegur leikmaður og öll lið í heiminum væru til í að hafa hann hjá sér.“