Maðurinn sem skorar og skorar en fær aldrei nein verðlaun

Sergio Aguero fór á kostum með toppliði Manchester City um helgina og skoraði fjögur mörk í stórsigri á Leicester City.

Aguero bætti þar með enn frábæra tölfræði sína enginn leikmaður hefur skorað örar í sögu ensku úrvalsdeildarinnar.

Sergio Aguero er nú kominn með 21 mark í 22 deildarleikjum á tímabilinu þar af átta mörk í síðustu fjórum leikjum sínum.

Agüero hefur verið hjá Manchester City frá 2011 og er á góðri leið með að vinna þriðja enska meistaratitilinn með félaginu. Hann þegar orðinn markahæsti leikmaður félagsins frá upphafi.

Tölfræðingar á MCFCstat síðunni sýndu hinsveggar fram á magnaða staðreynd eftir fernu Argentínumannsins um helgina.

Sergio Aguero er búinn að skora 143 mörk í 203 leikjum í ensku úrvalsdeildinni og á fimm tuttugu marka tímabil en hann hefur aldrei fengið nein verðlaun.

MCFCstat síðan tók saman þá leikmenn sem hafa skorað örast í sögu ensku úrvalsdeildarinnar og tók um leið saman hvaða verðlaun viðkomandi leikmenn hafa fengið. Listinn þeirra er hér fyrir neðan.

Aguero - top of the TOP 30 all-time Premier League strike rate table.

22 of the top 30 strikers have won at least one variation of the Player of the Year Award. Yet Aguero is irrefutably the deadliest striker in EPL history and he hasn't ever made the PFA Team of the Year. pic.twitter.com/ShZA9S3cjj

— mcfcstat (@statmcfc) February 10, 2018

Það eru öskrandi eyður í línunni hans Sergio Aguero sem er samt efstur á listanum með mark á 106 mínútna fresti.

Hann hefur sem dæmi aldrei verið kosinn í lið ársins og þar af leiðandi hefur hann aldrei verið kosinn bestur. Þar eru mörg verðlaun en engin þeirra hafa ratað til Argentínumannsins.

Aðrir í sömu stöðu á topp fimmtán listanum eru menn eins og Edin Dzeko (7. sæti), Ole Gunnar Solskjær (11. sæti), Oliver Giroud (13. sæti) og Jimmy Floyd Hasselbaink (15. sæti).