Salah ekki með í dag

Egyptinn Mohamed Salah verður fjarri góðu gamni þegar Liverpool fer í heimsókn til Burnley í dag en hann meiddist gegn Leicester á laugardaginn.

Salah skoraði bæði mörk Liverpool í 2-1 sigri á Leicester en Jurgen Klopp tók hann af velli undir lok leiks en þá var Salah byrjaður að haltra.

„Ég veit ekki nákvæmlega á þessari stundu hvað er að Salah en hann var haltrandi og það er aldrei gott.“ sagði Klopp eftir leikinn.

Nýjustu fregnir herma að Salah muni vera meiddur í a.m.k. tvær vikur sem þýðir að hann mun einnig missa af leik Liverpool gegn Everton í bikarnum á föstudaginn auk þess sem hann gæti misst af leik liðsins gegn Manchester City eftir tvær vikur.