Fyrir nítján árum setti hann ellefu ensk nöfn á blað og það hefur ekki gerst síðan

Erlendir leikmenn hafa verið mjög áberandi í ensku úrvalsdeildinni undanfarna tvo áratugi og tölfræðiþjónustan Opta bendir á það að í dag er tímamótadagur fyrir enska leikmenn í ensku úrvalsdeildinni.

Fyrir nítján árum var John Gregory, þá knattspyrnustjóri Aston Villa, síðasti stjórinn til að stilla upp ellefu manna byrjunarliði eingöngu skipað enskum leikmönnum.

11 - 19 years ago today (February 27 1999) was the last time a Premier League team named a starting XI of 11 Englishmen, when John Gregory did so for Aston Villa against Coventry - Villa lost 4-1. Foreign. pic.twitter.com/xLCpI9UyZO

— OptaJoe (@OptaJoe) February 27, 2018

John Gregory setti ellefu Englendinga í byrjunarlið sitt á móti Coventry 27. febrúar 1999. Aston Villa tapaði leiknum 4-1. Allir þrír varamenn Villa í leiknum voru líka Englendingar eða þeir Mark Draper, Gareth Barry og Stan Collymore.     

Gareth Barry er enn að spila í deildinni og er sá leikjahæsti frá upphafi. Þarna var hann þó aðeins nýorðinn átján ára gamall.

Í næsta leik Aston Villa, sem var á móti Derby, þá var Ástralinn Mark Bosnich kominn í mark Aston Villa liðsins.



Englendingarnir 11 sem byrjuðu hjá Aston Villa 27.2.1999:

Markvörður:

Michael Oakes

    

Varnarmenn:

Simon Grayson

Riccardo Scimeca

Gareth Southgate

Alan Wright

    

Miðjumenn:

Lee Hendrie

Paul Merson

Ian Taylor

Steve Watson    

Framherjar:

Dion Dublin (Skoraði mark liðsins)

Julian Joachim