Wenger: Við máttum ekki við því að tapa

Arsene Wenger, stjóri Arsenal, var ósáttur eftir tap sinna manna gegn Tottenham í dag en hann viðurkenndi á fréttamannafundi eftir leikinn að Arsenal mátti ekki við því að tapa þessum leik.

Tottenham var sterkari aðilinn í leiknum og vann að lokum sigur 1-0 en Tottenham hefði þó getað skorað mikið fleiri mörk.

„Ég verð að viðurkenna það að við máttum ekki við því að tapa þessum leik í dag,“ sagði Wenger.

„Núna verður það erfiðara fyrir okkur að ná einum að efstu fjórum sætunum en við verðum einfaldlega að halda áfram þar til við eigum ekki möguleika. Þessi leikur snerist um svo miklu meira en bara ríginn milli Arsenal og Tottenham, við virkilega þurftum á stigunum að halda og þess vegna eru þessi úrslit svona svekkjandi.“

Arsenal er nú sjö stigum á eftir Tottenham og situr í 6.sæti deildarinnar.