Moyes: Ég var pirraður út í Arnautovic

David Moyes, stjóri West Ham, segir að liðið hans hefði getað skorað fleiri mörk í 3-0 sigri þess á Stoke í gær.

David Moyes tók við West Ham í nóvember og gekk illa í fyrstu. En í síðustu leikjum hefur hann náð að snúa gengi liðsins við á ótrúlegan hátt.

„Ef þú hugsar um leiki okkar í vikunni og þá orku sem við settum í þá þá er ekki annað hægt en að vera mjög ánægður með frammistöðuna og útkomuna úr þessum leik.“

„Ég sagði við Arnautovic í hálfleik að ég væri pirraður út í hann. Að hann ætti að vera búinn að skora tvö mörk. Ég sagði við hann að ef hann héldi uppteknum hætti í síðari hálfleik þá myndi hann skora. Hann fékk 3-4 dauðafæri og hefði líklega átt að skora þrennu.“

„En þrátt fyrir það að við hefðum getað skorað fleiri mörk var frammistaðan frábær og við skoruðum þrjú mjög flott mörk.“