Inter Milan hefur áhuga á Mkhitaryan

Inter Milan hefur áhuga á að fá Henrikh Mkhitaryan, leikmann Manchester United, til liðs við sig í janúarglugganum en Sky Sports greinir frá þessu.

Í nóvember sagði Mourinho að Armeninn hafi verið tekinn út úr leikmannahópi United vegna þess að hann hafi ekki verið að standa sig nógu vel. Mkhitaryan hefur ekki byrjað leik fyrir United síðan liðið tapaði fyrir Chelsea á Stamford Bridge þann 5. nóvember síðastliðinn en hann spilaði þó allan seinni hálfleikinn í 2-2 jafntefli United gegn Burnley nú á dögunum.

Sky á Ítalíu greina frá því að Mkhitaryan sé einn af nokkrum leikmönnum sem Inter hefur áhuga á en leikmenn eins og Gerard Deulofeu og Javier Pastore hafa einnig verið nefndir.