Erlent

Ferju með 251 um borð hvolfdi

Atli Ísleifsson skrifar
Óljóst er um fjölda slasaðra að svo stöddu. Myndin tengist fréttinni ekki beint.
Óljóst er um fjölda slasaðra að svo stöddu. Myndin tengist fréttinni ekki beint. Vísir/AFP
Ferju með 251 farþega um borð hvolfdi austur af Manila, höfuðborg Filippseyja, í morgun. AFP greinir frá þessu og hefur eftir strandgæslu landsins.

Ekki liggur fyrir um fjölda slasaðra að svo stöddu. Slysið varð undan strönd Real, um sjötíu kílómetra austur af Manila. Fréttir hafa borist af slæmu veðrri á staðnum, en ferjan átti að sigla til eyjarinnar Polillo.

Þyrlur og skip strandgæslunnar eru á leiðinni á staðinn, var haft eftir Armand Balilo, talsmanni strandgæslunnar, á fréttamannafundi í morgun.

Uppfært 12:30

Filippseyska strandgæslan segir að tala látinna sé lægri en í fyrstu var óttast. Upplýst hefur verið að fjórir hafi látist og er sjö enn saknað. Alls tókst að bjarga 240 manns.

 

Mest lesið


Fleiri fréttir

Sjá meira


×

Mest lesið