Sjáðu markið sem skaut Burnley upp í Meistaradeildarsæti | Myndbönd

Burnley skaust upp í 4. sæti ensku úrvalsdeildarinnar með 1-0 sigri á Stoke City á Turf Moor í gær. Ashley Barnes skoraði eina mark leiksins þegar mínúta var eftir af venjulegum leiktíma.

Jóhann Berg Guðmundsson lék allan leikinn fyrir Burnley sem hefur unnið sex 1-0 sigra á tímabilinu.

Crystal Palace komst upp úr fallsæti með dramatískum sigri á Watford, 2-1, á heimavelli. Palace var 0-1 undir þegar mínúta var til leiksloka. En mörk frá varamönnunum Bakary Sako og James McArthur tryggðu Palace dýrmætan sigur.

Willian skoraði eitt mark og lagði upp tvö í öruggum 1-3 sigri Chelsea á Huddersfield á útivelli. Með sigrinum jafnaði Chelsea Manchester United að stigum í 2. sæti deildarinnar.

Hér fyrir neðan má sjá mörkin úr leikjunum í ensku úrvalsdeildinni í gær.

Burnley 1-0 Stoke

Crystal Palace 2-1 Watford

Huddersfield 1-3 Chelsea

Þriðjudagsuppgjör