Mannanafnanefnd: Eiginnafnið Ævi samþykkt en Theadór hafnað

Karlmannsnafnið Kamilus og kvenmannsnafnið Hrafnynja eru meðal þeirra nafna sem mannanafnanefnd hefur samþykkt sem eiginnöfn og verða færð á mannanafnaskrá. Þá voru kvenmannsnöfnin Dóróþea og Ævi einnig samþykkt.

Karlmannsnöfnunum Indra og Theadór var hins vegar hafnað.

Þá var fallist á beiðni umsækjanda um að hann megi taka upp millinafnið Gasta. Nafnið fer þó ekki á mannanafnadrká og þá var kröfu umsækjandans hafnað um að eingöngu þeir megi bera millinafnið Gasta sem séu afkomendur föður hans.

Til að mannanafnanefnd geti samþykkt nýtt eiginnafn á mannanafnaskrá þarf öllum skilyrðum 1. mgr. 5. gr. laga nr. 45/1996 um mannanöfn að vera fullnægt.

Skilyrðin eru þessi:

Eiginnafn skal geta tekið íslenska eignarfallsendingu eða hafa unnið sér hefð í íslensku máli.

Nafnið má ekki brjóta í bág við íslenskt málkerfi.

Nafnið skal ritað í samræmi við almennar ritreglur íslensks máls nema hefð sé fyrir öðrum rithætti þess. Með almennum ritreglum íslensks máls er vísað til auglýsinga nr. 132/1974 og 261/1977, um íslenska stafsetningu.