Björn Bergmann bestur í norsku deildinni
Björn Bergmann Sigurðarson, leikmaður Molde, var besti leikmaður norsku úrvalsdeildarinnar á nýafstöðnu tímabili samkvæmt tölfræðisíðunni WhoScored.com. Skagamaðurinn var jafnframt í liði ársins.
Björn Bergmann átti frábært tímabil með Molde. Hann skoraði 16 mörk og var þriðji markahæsti leikmaður norsku deildarinnar.
Björn Bergmann fékk 7,44 í meðaleinkunn hjá WhoScored fyrir frammistöðu sína á tímabilinu.
Skagamaðurinn var rétt fyrir ofan samherja sinn hjá Molde, Babacar Sarr, í einkunnagjöf WhoScored. Sarr, sem lék áður með Selfossi hér á landi, fékk 7,43 í meðaleinkunn fyrir frammistöðu sína á tímabilinu.
Björn Bergmann og Sarr eru vitaskuld báðir í úrvalsliði WhoScored. Meistarar Rosenborg eiga fjóra fulltrúa í því, Molde og Strömsgodset tvo og Brann, Sarpsborg og Aalesund einn hver.
Årets lag ifølge @WhoScored. @RBKfotball har fire spillere, @Molde_FK og @strmsgodset har to spillere, og @AalesundsFK, @skbrann og @Sarpsborg08 har én spiller hver. pic.twitter.com/m5KbxAY0Yh
— Helge Børresen (@heborres) November 27, 2017
Björn Bergmann er einn fjögurra sem kemur til greina sem besti leikmaður norsku deildarinnar. Hinir eru Rosenborg-mennirnir Nicklas Bendnter og Tore Reginiussen og Ohi Omoijuanfo, leikmaður Stabæk.
Tengdar fréttir
Aalesund féll | Björn Bergmann þriðji markahæstur
Þrátt fyrir 4-3 sigur á Strömsgodset í kvöld féll Íslendingaliðið Aalesund úr norsku úrvalsdeildinni á markatölu.
Björn Bergmann tilnefndur sem leikmaður ársins
Björn Bergmann Sigurðarson er einn fjögurra sem kemur til greina sem leikmaður ársins í norsku úrvalsdeildinni í fótbolta.
