Íslenskar fótboltastelpur meistarar út um öll Bandaríkin

Þrjár íslenskar fótboltastelpur fögnuðu á dögunum sæti með sínum liðum í úrslitakeppni NCAA-háskólaboltans sem er efsta deildin í háskólaíþróttum Bandaríkjanna.

Þetta eru Blikinn Ester Rós Arnarsdóttir sem er tvítug, hin 21 árs gamla Ólína Sif Einarsdóttir frá Sauðárkróki og Skagamærin Aníta Sól Ágústsdóttir sem einnig er tvítug.

Esther Rós spilar í sólinni á vesturströndinni með San Diego State en liðið vann sína deild og tekur þátt í úrslitakeppninni. Esther kom fimmtán ára inn í lið Breiðabliks árið 2012 og á 71 leik að baki í deild og bikar hér heima með Breiðabliki, Fjölni og ÍBV.

Ólína Sif og stöllur hennar í Missouri State unnu Missouri Valley-mótið og komust þannig í úrslitakeppnina en þetta verður í fyrsta skipti í 17 ár sem Missouri State tekur þátt í úrslitakeppninni.

Sauðkrækingurinn byrjaði einnig fimmtán ára að spila með meistaraflokki Tindastóls og á 69 leiki að baki fyrir liði í B-deildinni. Hún spilaði ellefu leiki með sínu liði í 1. deildinni í sumar.

Loks varð Skagastúlkan Aníta Sól Ágústsdóttir svo meistari í Sun Belt-deildinni með South Alabama en Skagamærin fékk stórt hlutverk í liðinu á sínu fyrsta ári í háskóla. South Alabama er einnig á leið í úrslitakeppnina.

Stelpurnar þrjár fengu allar skólastyrk í gegnum Soccer and Education USA sem hjálpar íslenskum fótboltakrökkum að fá styrki hjá góðum skólum. Myndirnar voru fengnar frá Instagram-síðu Soccer and Education.

Til hamingju Esther Mountain West Champoins San Diego State unnu sitt “Conference” eða sína deild og eru á leið í NCAA úrslitakeppnina

A post shared by Soccer and Education USA (@soccerandeducationusa) on Nov 5, 2017 at 2:10pm PST

Ólína Sif og þær í Missouri State unnu “Missouri Valley Tournament” og eru á leið í NCAA úrslitakeppnina í fyrsta sinn í 17 ár!

A post shared by Soccer and Education USA (@soccerandeducationusa) on Nov 6, 2017 at 3:39am PST

Til hamingju Aníta Sól! University of South Alabama unnu “Sun Belt Conferenc-ið” og eru á leið í úrslitakeppni NCAA. Aníta er freshman og fékk risa hlutverk á þessu tímabili

A post shared by Soccer and Education USA (@soccerandeducationusa) on Nov 7, 2017 at 9:24am PST