Borgin úthlutar lóðum fyrir 530 íbúðir

Borgarráð Reykjavíkurborgar samþykkti í dag úthutun fyrir 530 íbúðir. Lóðirnar sem um ræðir eru við Stakkahlíð og Nauthólsveg.

Þetta kemur fram í frétt á vef Reykjavíkurborgar. Þar segir jafnframt að samtals hafi lóðum verið úthlutað fyrir 1.435 íbúðir það sem af er ári.

„Við Stakkahlíð fá Byggingarfélag námsmanna byggingarrétt á 100 íbúðum fyrir stúdenta og Samtök eldri borgara byggingarrétt fyrir 60 íbúðir fyrir aldraða. Á Nauthólsvegi mun Háskólinn í Reykjavík byggja 370 íbúðir fyrir stúdenta.

Byggingarréttur fyrir 1.435 íbúðir á þessu ári

Í listanum hér fyrir neðan er yfirlit yfir úthlutun byggingarréttar á þessu ári:

• Stakkahlíð: Byggingarfélag námsmanna  - 100 íbúðir fyrir stúdenta
• Stakkahlíð: Samtök aldraðra - 60 íbúðir fyrir aldraða
• Nauthólsvegur:  Háskólinn í Reykjavík - 370 íbúðir fyrir stúdenta
• Reynisvatnsás: Einstaklingar -  22 lóðir fyrir einbýlishús
• Hallgerðargata: Brynja - 37 íbúðir
• Hallgerðargata: Bjarg - 63 íbúðir
• Hraunbær 103 A: Dverghamrar - 60 íbúðir
• Keilugrandi 1: Búseti - 78 íbúðir
• Móavegur 2 – 4:  Bjarg - 156 íbúðir
• Nýlendugata 34: Reir ehf. - 7 íbúðir
• Urðarbrunnur 130 – 134: Bjarg - 44 íbúðir
• Urðarbrunnur 33 – 35:  Bjarg - 32 íbúðir
• Vesturbugt: Vesturbugt ehf. - 176 íbúðir
• Eggertsgata: Félagsstofnun - Stúdenta - 230 íbúðir,“ segir í tilkynningunni.