Maður lét lífið í kauphöllinni í London

Maður lét lífið þegar hann fell af sjöundu hæð kauphallarinnar í London í morgun.

Maðurinn féll í kringum klukkan korter í tíu á staðartíma og lenti í anddyri byggingarinnar. Lögreglan var kölluð á vettvang laust fyrir klukkan tíu en maðurinn var úrskurðaður látinn tíu mínútum síðar í sjúkrabíl.

Í tilkynningu frá lögreglunni í London segir að verið sé að rannasaka andlátið en ekki er talið að það hafi borið að með saknæmum hætti. Lokað var fyrir aðal inngang byggingarinnar í kjölfar slyssins. Þúsundir manna starfa hjá kauphöllinni.