Kúkur leiddi til handtöku innbrotsþjófs

Maður sem grunaður er um innbrot var handtekinn vegna þess að hann sturtaði ekki niður í húsi sem hann er sakaður um að hafa brotist inn í. Rannsakendur fundu DNA sýni í kúknum sem Andrew David Jensen mun ekki hafa sturtað niður þegar hann kúkaði í húsi sem hann braust inn í í Thousand Oaks í Bandaríkjunum.

Ránið átti sér stað í október, en Jensen var handtekinn þann 28. júlí, eftir að DNA greiningu lauk.

Rannsóknarlögreglumaður sem AP fréttaveitan ræddi við segir þetta í fyrsta sinn sem hann viti til þess að kúkur hafi leitt til handtöku innbrotsþjófs.



„Þegar fólk hugsar um DNA sýni, hugsar það yfirleitt um hár eða munnvatn,“ sagði Tim Lohman.