Vilja banna fatnað sem hylur andlit í norskum skólum

Norska ríkisstjórnin vill banna fólki í norskum skólum og leikskólum að klæðast slæðum eða öðrum fatnaði sem hylur andlit viðkomandi. Per Sandberg, ráðherra innflytjendamála, segir að slíkt eigi ekki heima í norsku samfélagi.

Ríkisstjórnin hefur unnið að smíði lagafrumvarps þessa efnis síðan í haust og var það kynnt fjölmiðlum fyrr í dag. Bannið mun ná til niqab, gríma og lambhúshetta, en ekki hijab, derhúfa eða húfa.

Menntamálaráðherrann Torbjørn Røe Isaksen segir að fatnaður sem hylur andlit komi í veg fyrir góð samskipti og lærdóm.

Sandberg, ráðherra Framfaraflokksins, fagnaði frumvarpinu sem kynnt var í dag, en hann segir hann að slíkur fatnaður stuðli að undirokun kvenna og að slíkt verði ekki liðið.

Í frétt NRK segir að norska þingið hafi hafnað tillögu Framfaraflokksins um að banna fólki að klæðast búrkum eða niqab á opinberum stöðum árið 2010.